തിയറ്ററുകളില്‍ കത്തിക്കയറി സുരേഷ് ഗോപിയുടെ കാവല്‍. റിലീസ് ചെയ്ത് എല്ലാ കേന്ദ്രങ്ങളില്‍ നിന്നും പോസിറ്റീവ് പ്രതികരണങ്ങള്‍ വന്നതോടെ നാളെ മുതല്‍ കാവല്‍ കൂടുതല്‍ തിയറ്ററുകളില്‍ പ്രദര്‍ശനത്തിനെത്തും. കേരളത്തിന് പുറത്ത് ബെംഗളൂര്‍, മൈസൂര്‍, മണിപ്പാല്‍, ചെന്നൈ, മുംബൈ, പൂനൈ, ഗുജറാത്ത്, ഹൈദരാബാദ്, ആന്ധ്രപ്രദേശ്, ന്യൂ ദല്‍ഹി, രാജസ്ഥാന്‍, പഞ്ചാബ് ഉത്തരാഖണ്ഡ്, പഞ്ചാബ്, ഒറീസ എന്നിവിടങ്ങളില്‍ റിലീസ് ചെയ്യും. ഇത്രയും സംസ്ഥാനങ്ങളില്‍ ആദ്യമായാണ് ഒരു മലയാള സിനിമ റിലീസ് ചെയ്യുന്നത്. സുരേഷ് ഗോപി സിനിമയുടെ ആദ്യദിന റിപ്പോര്‍ട്ടുകള്‍ വന്നതോടെയാണ് കാവലിന്റെ പാന്‍ഇന്ത്യന്‍ റിലീസ് പ്രഖ്യാപിച്ചത്. പിവിആര്‍ സിനിമാസിന്റെ കേരളത്തിന് പുറത്തുള്ള സ്‌ക്രീനുകളില്‍ കാവല്‍ പ്രദര്‍ശിപ്പിക്കുമെന്ന് വ്യക്തമാക്കിയിട്ടുണ്ട്.
കാവലിന് ആദ്യദിനം തിയറ്ററുകളില്‍ വന്‍വരവേല്‍പ്പാണ് ലഭിച്ചിരിക്കുന്നത്. . കേരളത്തില്‍ മാത്രം 220 സ്‌ക്രീനുകളിലാണ് ചിത്രം പ്രദര്‍ശനത്തിനെത്തിയത് . ചിത്രത്തിന്റെ സ്‌പെഷ്യല്‍ ഫാന്‍സ് ഷോ രാവിലെ 7.30 മുതല്‍ ആരംഭിച്ചിരുന്നു. മികച്ച പ്രതികരണമാണ് ചിത്രത്തിന് ലഭിക്കുന്നത്. ചിത്രത്തിന്റെ ആദ്യ പകുതി പിന്നിട്ടപ്പോള്‍ ഗംഭീര റിപ്പോര്‍ട്ടാണ് ലഭിക്കുന്നത്. കോവിഡ് രണ്ടാംതരംഗത്തിനു ശേഷം തിയറ്ററുകളിലേക്ക് ആദ്യമെത്തുന്ന സൂപ്പര്‍താര ചിത്രം കൂടിയാണ് കാവല്‍. ആരാധകരെ ആവേശം കൊള്ളിക്കുന്ന ചേരുവകളാണ് ചിത്രത്തിനുള്ളത്. ഹൗസ് ഫുള്‍ ഷോയുമായാണ് ചിത്രം മുന്നേറുന്നത്.
തമ്പാന്‍ എന്ന കഥാപാത്രത്തെയാണ് ചിത്രത്തില്‍ സുരേഷ് ഗോപി അവതരിപ്പിക്കുന്നത്. രണ്‍ജി പണിക്കരും ചിത്രത്തില്‍ പ്രധാന കഥാപാത്രമാണ്. രണ്ട് കാലഘട്ടങ്ങളിലായി നടക്കുന്ന ആക്ഷന്‍ ക്രൈം ത്രില്ലറാണ് ‘കാവല്‍’. ഗുഡ്വില്‍ എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ് നിര്‍മ്മിക്കുന്ന ചിത്രം സംവിധാനം ചെയ്തിരിക്കുന്നത് നിതിന്‍ രണ്‍ജി പണിക്കരാണ്.
പ്രതികരിക്കാൻ ഇവിടെ എഴുതുക: