ഇന്ദ്രന്സ് നായകനായി നവാഗതനായ എ.ബി. ബിനില് കഥ തിരക്കഥ സംഭാഷണമെഴുതി സംവിധാനം ചെയ്യുന്ന ‘വാമനന്’ എന്ന ചിത്രത്തിന്റെ പൂജയും സ്വിച്ചോണ് കര്മ്മവും എറണാകുളം കടവന്ത്ര കൊലയ്ക്കു ഭഗവതി ക്ഷേത്രാങ്കണത്തില് വെച്ച് നടന്നു.സംവിധായകനും നടനുമായ ശ്രീകാന്ത് മുരളി സ്വിച്ചോണ് കര്മ്മം നിര്വ്വഹിച്ചു. സീമ ജി. നായര് ആദ്യ ക്ലാപ്പടിച്ചു.
മൂവി ഗ്യാങ് പ്രൊഡക്ഷന്സ്ന്റെ ബാനറില് അരുണ് ബാബു കെ.ബി, സമഹ് അലി എന്നിവര് ചേര്ന്ന് നിര്മ്മിക്കുന്ന ഈ ചിത്രത്തില് ബൈജു സന്തോഷ് ഏറേ ശ്രദ്ധേയമായ കഥാപാത്രത്തെ അവതരിപ്പിക്കുന്നു. നെല്സണ്, അരുണ്, ജെറി, കലാന്തന് ബഷീര്, സെബാസ്റ്റ്യന്, ജോര്ജ്ജ്, മനു, ദില്ഷ, പ്രഗ്യാ, ആദിത്യ, സീമ ജി. നായര്, തുടങ്ങിയവരാണ് മറ്റു പ്രമുഖ താരങ്ങള്.
അരുണ് ശിവന് ഛായഗ്രഹണം നിര്വ്വഹിക്കുന്നു.സന്തോഷ് വര്മ്മയുടെ വരികള് ക്ക് നിതിന് ജോര്ജ്ജ് സംഗീതം പകരുന്നു. എക്സിക്യൂട്ടീവ് പ്രൊഡ്യൂസര്- രഘു വേണുഗോപാല്, രാജീവ് വാര്യര്. പ്രൊഡക്ഷന് കണ്ട്രോളര്- ബിനു മുരളി, ഒരു ഹൊറര് സൈക്കോ ത്രില്ലര് ചിത്രമാണ് ‘വാമനന്’. നവംബര് ഇരുപത്തിയെട്ടിന് കുട്ടിക്കാനത്ത് ഈ ചിത്രത്തിന്റെ ചിത്രീകരണം ആരംഭിക്കുന്നു.വാര്ത്ത പ്രചരണം- എ.എസ്. ദിനേശ്.
