കൊച്ചി: മുന്‍ മിസ് കേരളയടക്കമുള്ളവര്‍ കാറപകടത്തില്‍ കൊല്ലപ്പെട്ട കേസില്‍ ഡിജെ പാര്‍ട്ടി നടന്ന നമ്പര്‍ 18 ഹോട്ടലിലെ ഹാര്‍ഡ് ഡിസ്‌ക് കണ്ടെത്താന്‍ പൊലീസ് കായലില്‍ പരിശോധന നടത്തും.
ഹോട്ടലുടമ റോയിയുടെ നിര്‍ദേശപ്രകാരം ജീവനക്കാരാണ് ഈ ഹാര്‍ഡ് ഡിസ്‌ക് കായലിലേക്ക് വലിച്ചെറിഞ്ഞ്. മോഡലുകള്‍ പങ്കെടുത്ത ഹോട്ടലിലെ ഒന്ന്, രണ്ട് നിലകളിലെ മുറികളിലേക്കുള്ള ഇടനാഴികളുടെയും പാര്‍ക്കിങിലെയും ഡിജെ പാര്‍ട്ടി നടന്ന ഹാളിലെയും ദൃശ്യങ്ങള്‍ ഈ ഹാര്‍ഡ് ഡിസ്‌കിലുണ്ട്.
ഹോട്ടല്‍ ജോലിക്കാരായ മെല്‍വിനും മറ്റൊരു പ്രതി വിഷ്ണുവും ഹോട്ടലിലെ സിസിടിവി ഹാര്‍ഡ് ഡിസ്‌ക് കണ്ണങ്കാട്ട് പാലത്തില്‍ നിന്നും കായലില്‍ എറിഞ്ഞുവെന്നാണ് പറയുന്നത്. നിര്‍ണ്ണായക തെളിവുകള്‍ നല്‍കിയേക്കാവുന്ന ഈ ഹാര്‍ഡ് ഡിസ്‌ക് കണ്ടെത്താനുള്ള അവസാനശ്രമമെന്ന നിലയില്‍ കായലില്‍ തിരച്ചില്‍ നടത്താനാണ് പൊലീസ് നീക്കം.
പ്രതികരിക്കാൻ ഇവിടെ എഴുതുക: