ദിയു: പാരാസെയിലിങിനിടയില്‍ പാരച്യൂട്ടിന്റെ കയര്‍ പൊട്ടി ദമ്പതികള്‍ കടലില്‍ വീണു. കഴിഞ്ഞ ഞായറാഴ്‌ച്ച നരോവ ബീച്ചിലാണ് സംഭവം ഉണ്ടായത്. ഗുജറാത്ത് സ്വദേശികളായ അജിത കലാട്, ഭാര്യ സര്‍ല കതാട് എന്നിവര്‍ക്കാണ് അപകടം സംഭവിച്ചത്.
പാരസെയ്‌ലിങ് നടത്തുന്നതിനിടയില്‍ പാരച്യൂട്ടും പവര്‍ ബോട്ടുമായി ബന്ധിപ്പിച്ചിരുന്ന കയര്‍ പൊട്ടിപ്പോകുകയായിരുന്നു. കയറില്‍ നിന്ന് ഉയര്‍ന്ന് പൊങ്ങിയ ഇവര്‍ കടലിലേക്ക് പതിക്കുകയായിരുന്നു. ലൈഫ് ജാക്കറ്റ് ഉണ്ടായിരുന്നതിനാല്‍ വലിയ ദുരന്തത്തില്‍ നിന്ന് ദമ്പതികള്‍ രക്ഷപെട്ടു.
അപകടത്തിന് മുമ്പ് കയറില്‍ വിളളല്‍ ഉണ്ടായിരുന്നു. എന്നാല്‍ ഇത് ബോട്ടിലുണ്ടായിരുന്നവര്‍ കണക്കിലെടുത്തില്ല. സംഭവം അജിത്തിന്റെ സഹോദരന്‍ രാകേഷ് വീഡിയോയില്‍ പകര്‍ത്തിയിരുന്നു. ശക്തമായ കാറ്റാണ് അപകടകാരണ എന്ന് പാരാസെയ്‌ലിങ് നടത്തിയ പാംസ് അഡ്വഞ്ചര്‍ ആന്‍ഡ് മോട്ടോര്‍ സ്‌പോര്‍ട് ഉടമ പറഞ്ഞു.
അവധിക്കാലം ആഘോഷിക്കാനായി ആണ് ദമ്പതികള്‍ ദിയുവില്‍ എത്തിയത്. പാരാസെയ്‌ലിങ് സംഘാടകരുടെ ശ്രദ്ധക്കുറവാണ് അപകടകാരണമെന്ന് അജിത്ത പറഞ്ഞു.
പ്രതികരിക്കാൻ ഇവിടെ എഴുതുക: