ഉപയോക്താക്കള്ക്കായി ഒരു പുതിയ പ്രമോഷണല് ഓഫര് അവതരിപ്പിച്ച് എയര്ടെല്. നിലവിലുള്ള 249 രൂപയുടെ പ്രീപെയ്ഡ് റീച്ചാര്ജ് പ്ലാനിനൊപ്പം പ്രതിദിനം 500 എംബി ഡാറ്റ അധികമായി ലഭിക്കുന്നതാണ് പുതിയ ഓഫര്.
നിലവില് 249 രൂപയുടെ റീച്ചാര്ജില് 28 ദിവസത്തേക്ക് പ്രതിദിനം 1.5 ജിബി ഡാറ്റയും അണ്ലിമിറ്റഡ് കോളുകളുമാണ് ലഭിക്കുക. ഈ ഓഫര് കൂടി ലഭിക്കുന്നതോടെ മൊത്തത്തില് രണ്ട് ജിബി ഡാറ്റയായിരിക്കും പ്രതിദിനം ലഭിക്കുക. വാലിഡിറ്റിയില് മാറ്റമില്ല.
എയര്ടെല് താങ്ക്സ് ആപ്പ് വഴി ഈ ആനുകൂല്യം നേടാന് സാധിക്കും. ഇതിനൊപ്പം ഒരു മാസത്തേക്കുള്ള ആമസോണ് പ്രൈം മൊബൈല് എഡിഷന് ട്രയലും സൗജന്യമായി ലഭിക്കും. ഒരു വര്ഷത്തെ ഷോ അക്കാഡമി, മൂന്ന് മാസത്തെ അപ്പോളോ 24/7 സര്ക്കിള്, സൗജന്യ ഹലോ ട്യൂണ് സബ്സ്ക്രിപ്ഷന്, വിങ്ക് മ്യൂസിക്, എന്നിവയും ഈ പ്ലാനിനൊപ്പം ലഭിക്കും.
എയര്ടെലിന്റെ ഈ ഓഫര് ജിയോയുടെ 249 രൂപയുടെ പ്ലാനിന് സമാനമാണ്. എസ്എംഎസും ഡാറ്റയും, കോളിങ് ആനുകൂല്യങ്ങളുമെല്ലാം ഒരുപോലെയാണ്. ജിയോയുടെ പ്ലാനില് ആമസോണിനു പകരം ജിയോയുടെ ഓടിടി സബ്സ്ക്രിപ്ഷനുകളാണ് ലഭിക്കുക എന്ന് മാത്രം.
വിഐ 249 രൂപയുടെ പ്ലാനില് ദിവസേന 1.5 ജിബി ഡാറ്റയും, 100 എസ്എംഎസും, സൗജന്യ കോളുകളും 28 ദിവസത്തെ വാലിഡിറ്റിയില് ലഭിക്കും. വീക്കെന്റ് ഡാറ്റ റോള് ഓവര് സൗകര്യവും ഇതില് ലഭ്യമാണ്.
അടുത്തിടെ 349 രൂപയ്ക്ക് 2.5 ജിബി ഡാറ്റ ഓഫറും എയര്ടെല് പ്രഖ്യാപിച്ചിരുന്നു. 28 ദിവസം വാലിഡിറ്റിയുള്ള പ്ലാനില് എയര്ടെല് താങ്ക്സ് ആനുകൂല്യങ്ങളായി മൂന്ന് മാസത്തെ അപ്പോളോ 24/7, ഷോ അക്കാദമി, വിങ്ക് മ്യൂസിക്. ആമസോണ് െ്രെപം എന്നിവ ലഭിക്കും.
