മോണ്ടീവീഡിയോ: എയ്ഞ്ചല്‍ ഡി മരിയയുടെ ഗോളില്‍ ലോകകപ്പ് യോഗ്യത മത്സരം ജയിച്ച് അര്‍ജന്റീന. ഉറുഗ്വേയ്‌ക്കെതിരെ 1-0 എന്ന നിലയിലാണ് അര്‍ജന്റീന വിജയം കണ്ടത്. 15 മിനിറ്റ് മാത്രമാണ് മെസ്സിക്ക് കളിക്കാനായത്.
കാല്‍മുട്ട് ഹാംസ്ട്രിംഗ് പരിക്കുള്ളതിനാൽ അര്‍ജന്റീന കോച്ച് ലയണല്‍ സ്‌കലോണി 15 മിനിറ്റിന് ശേഷം മെസ്സിയെ തിരികെ വിളിക്കുകയായിരുന്നു. പിഎസ്ജി യുമായുള്ള അവസാന രണ്ട് മത്സരങ്ങള്‍ പരുക്ക് മൂലം മെസ്സിക്ക് നഷ്ടപ്പെട്ടിരുന്നു. 26 മത്സരങ്ങളില്‍ തോല്‍വി അറിയാതെയാണ് അര്‍ജന്റീന മുന്നോട്ട് പോകുന്നത്. അര്‍ജന്റീന ബ്രസീലിനെ ചൊവ്വാഴ്ച നേരിടും. ഈ മത്സസരത്തില്‍ ബസീലിനെ തോല്‍പ്പിക്കുകയും മറ്റു ടീമുകളായ കൊളംബിയ, ചിലി, ഉറുഗ്വേ എന്നിവരില്‍ ഏതെങ്കിലും ഒരു ടീം വിജയിക്കാതിരുന്നാല്‍ അര്‍ജന്റീന ലോകകപ്പ് ഫൈനലിന് യോഗ്യത നേടും.
അര്‍ജന്റീനയക്ക് എതിരെയുള്ള ഈ തോല്‍വി ഉറുഗ്വെയെ ലോകകപ്പ് പ്ലേ ഓഫ് പട്ടികയില്‍ പിന്നിലാക്കി.
പ്രതികരിക്കാൻ ഇവിടെ എഴുതുക: