കൈലാഷും അപ്പാനി ശരതും മുഖ്യ കഥാപാത്രങ്ങളായി അഭിനയിച്ച ‘മിഷന് സി’ എന്ന സിനിമ തീയറ്ററില് നിന്ന് താത്കാലികമായി പിന്വലിക്കുന്നു. സംവിധായകന് വിനോദ് ഗുരുവായൂരാണ് ഇക്കാര്യം അറിയിച്ചത്. കോവിഡിനെ തുടര്ന്ന് ജനങ്ങള് തിയേറ്ററില് എത്താന് ഇനിയും സമയം എടുക്കും. അതുകൊണ്ട് സിനിമ തത്കാലം തിയേറ്ററുകളില് നിന്നും പിന്വലിക്കുകയാണെന്നും സംവിധായകന് അറിയിച്ചു.
രജനികാന്തിന്റെ അണ്ണാത്തെ, വിശാല് നായകനായ എനിമി തുടങ്ങിയ സിനിമകള് പോലും ഇപ്പോള് തീയറ്ററില് ഓടാന് ബുദ്ധിമുട്ടുകയാണ്. നല്ല അഭിപ്രായവും, റേറ്റിങ്ങും, നല്ല റിവ്യൂ കളും നേടിയ മിഷന് സി കൂടുതല് ജനങ്ങള് കാണണമെന്ന് ഞങ്ങള്ക്ക് ആഗ്രഹം ഉണ്ടെന്നും വിനോദ് ഫേസ്ബുക്ക് പോസ്റ്റിലൂടെ അറിയിച്ചു.
ചിത്രം തീയറ്ററില് നിന്ന് പിന്വലിച്ചാല് ഒടിടിയില് പ്രദര്ശിപ്പിക്കുമെന്ന് കഴിഞ്ഞ ദിവസം തന്നെ നിര്മാതാവ് അറിയിച്ചിരുന്നു. തീയറ്ററുകള് നിസ്സഹകരണത്തിലാണ് എന്നും അതിനാലാണ് ചിത്രം തീയറ്ററില് നിന്ന് പിന്വലിക്കുന്നത് എന്നും അദ്ദേഹം പറഞ്ഞു. നവംബര് അഞ്ചിനാണ് സിനിമ തീയറ്ററുകളില് എത്തിയത്.
ചിത്രത്തില് കൈലാഷിനൊപ്പം അപ്പാനി ശരത്, മേജര് രവി, നോബി തുടങ്ങിയവരാണ് അഭിനയിക്കുന്നത്. മീനാക്ഷി ദിനേശാണ് നായിക. ചിത്രത്തിന്റെ പോസ്റ്ററുമായി ബന്ധപ്പെട്ട് ഉയര്ന്ന ട്രോളുകളില് കൈലാഷ് പ്രതികരിക്കുകയും അത് വാര്ത്തകളില് ഇടം നേടുകയും ചെയ്തിരുന്നു.
സഞ്ചരിച്ചുകൊണ്ടിരിക്കുന്ന ഒരു ബസും അതുമായി ബന്ധപ്പെട്ട ഒരു ഓപ്പറേഷനുമാണ് ചിത്രത്തിന്റെ കാതല്. ചേസിങ് ബിയോണ്ട് ലിമിറ്റ്സ് എന്നതാണ് ചിത്രത്തിന്റെ ടാഗ് ലൈന്. ഒരു മുഴുനീള ആക്ഷന് ചിത്രമാണ് വിനോദ് ഗുരുവായൂര് അണിയിച്ചൊരുക്കിയിരിക്കുന്നത്. മുല്ല ഷാജിയാണ് ചിത്രം നിര്മ്മിക്കുന്നത്. സുശാന്ത് ശ്രീനി ക്യാമറ കൈകാര്യം ചെയ്യും. റിയാസ് കെ ബദര് ആണ് എഡിറ്റ്.
