വര്‍ക്കല: ശിവഗിരി ശ്രീനാരായണ ധര്‍മസംഘം ട്രസ്റ്റിന് പുതിയ ഭാരവാഹികള്‍. പുതിയ പ്രസിഡന്റായി സ്വാമി സച്ചിദാനന്ദയെയും ജനറല്‍ സെക്രട്ടറിയായി സ്വാമി ഋതംഭരാനന്ദയെയും ഖജാന്‍ജിയായി സ്വാമി ശാരദാനന്ദയെയും തെരഞ്ഞെടുത്തു.
ഒക്‌ടോബര്‍ 16നായിരുന്നു പതിനൊന്നംഗ ട്രസ്റ്റ് ബോര്‍ഡിലേക്കുള്ള തെരഞ്ഞെടുപ്പ്. വിജയിച്ച അംഗങ്ങള്‍ ഇന്നലെ രാവിലെ സ്വാമി വിശുദ്ധാനന്ദയുടെ അധ്യക്ഷതയില്‍ യോഗം ചേര്‍ന്നാണ് ഭാരവാഹികളെ തെരഞ്ഞെടുത്തത്. തുടര്‍ന്ന് മഹാസമാധിയിലെത്തി മുന്‍ പ്രസിഡന്റ് സ്വാമി വിശുദ്ധാനന്ദ പുതിയ പ്രസിഡന്റ് സ്വാമി സച്ചിദാനന്ദയ്‌ക്ക് സത്യവാചകം ചൊല്ലിക്കൊടുത്തു. തുടര്‍ന്ന് സ്വാമി സച്ചിദാനന്ദ ജനറല്‍ സെക്രട്ടറിക്കും ട്രഷറര്‍ക്കും സത്യവാചകം ചൊല്ലിക്കൊടുത്തു.
സ്വാമി വിശുദ്ധാനന്ദ, സ്വാമി ശുഭാംഗാനന്ദ, സ്വാമി ഗുരുപ്രസാദ്, സ്വാമി സദ്രൂപാനന്ദ, സ്വാമി സൂക്ഷ്മാനന്ദ, സ്വാമി വിശാലാനന്ദ, സ്വാമി പരാനന്ദ, സ്വാമി ബോധിതീര്‍ത്ഥ എന്നിവരാണ് ഭരണസമിതിയിലെ മറ്റംഗങ്ങള്‍.
പ്രതികരിക്കാൻ ഇവിടെ എഴുതുക: