പാരീസ്: സൂപ്പര്‍ സ്‌ട്രൈക്കര്‍ നെയ്മറിന്റെ ഇരട്ട ഗോളില്‍ പാരീസ് സെന്റ് ജര്‍മന് (പിഎസ്ജി) വിജയം. ഫ്രഞ്ച് ലീഗില്‍ പിഎസ്ജി രണ്ടിനെതിരെ മൂന്ന് ഗോളുകള്‍ക്ക് ബോര്‍ഡീയുവിനെ പരാജയപ്പെടുത്തി.
26, 43 മിനിറ്റുകളില്‍ സ്‌കോര്‍ ചെയ്താണ് നെയ്മര്‍ ഡിബിള്‍ തികച്ചത്. 63-ാം മിനിറ്റില്‍ എംബാപ്പെയും ലക്ഷ്യം കണ്ടതോടെ പിഎസ്ജി 3-0 ന് മുന്നിലെത്തി. എന്നാല്‍ പിന്നീട് തകര്‍ത്തുകളിച്ച ബോര്‍ഡിയു രണ്ട് ഗോളുകള്‍ തിരിച്ചടിച്ചു. 77-ാം മിനിറ്റില്‍ ഹോണ്ടുറാസ് സ്‌ട്രൈക്കര്‍ അല്‍ബെറത്ത് ഒരു ഗോള്‍ മടക്കി. ഇഞ്ചുറി ടൈമിലാണ് അവരുടെ രണ്ടാം ഗോള്‍ പിറന്നത്. എംബെ നിയാങ്ങാണ് സ്‌കോര്‍ ചെയ്തത്്. ഈ വിജയത്തോടെ പിഎസ്ജി 13 മത്സരങ്ങളില്‍ 34 പോയിന്റുമായി ഒന്നാം സ്ഥാനത്ത് തുടരുകയാണ്.
പ്രതികരിക്കാൻ ഇവിടെ എഴുതുക: