വൈറ്റല്‍ പ്രൊഡക്ഷന്‍സിന്റെ ബാനറില്‍ ജെ.കെ.നായര്‍ നിര്‍മിച്ച് ഋഷിപ്രസാദ് തിരക്കഥയൊരുക്കി സംവിധാനം നിര്‍വ്വഹിക്കുന്ന ചിത്രമാണ് ‘മാതംഗി’. ശ്വേതാമേനോന്‍ ചിത്രത്തില്‍ നായികയാകുന്നു.
ഗ്രാമീണ പശ്ചാത്തലത്തില്‍, ഭക്തിയും വിശ്വാസവും വ്യക്തിയിലും കുടുംബ ജീവിതത്തിലും സമൂഹത്തിലും വരുത്തുന്ന മാറ്റങ്ങളാണ് ചിത്രത്തിലെ പ്രതിപാദന വിഷയം. ഫാന്റസി ജോണറിലൊരുങ്ങുന്ന പ്രണയചിത്രത്തില്‍, ഇതുവരെ കാണാത്ത മെയ്‌ക്കോവറിലും ഭാവത്തിലുമാണ് ശ്വേതാമേനോന്‍ എത്തുന്നത്.
ശ്വേതാമേനോനു പുറമെ വിഹാന്‍, റിയാസ്ഖാന്‍, കോട്ടയം പ്രദീപ്, കുളപ്പുള്ളി ലീല, ഗീതാവിജയന്‍, സുനിത ധന്‍രാജ്, രശ്മി ബോബന്‍, പ്രിയങ്ക, കെ.പി. സുരേഷ്‌കുമാര്‍, ഗീതാ മാടായിപ്പാറ, മുരളി വായാട്ട് എന്നിവരും പ്രധാന വേഷങ്ങളിലെത്തുന്നു.
ബാനര്‍-വൈറ്റല്‍ പ്രൊഡക്ഷന്‍സ്, നിര്‍മാണം -ജെ.കെ. നായര്‍, തിരക്കഥ-സംവിധാനം-ഋഷി പ്രസാദ്, ഛായാഗ്രഹണം-ഉത്പല്‍ വി. നായനാര്‍, എക്‌സിക്യൂട്ടീവ് പ്രൊഡ്യൂസര്‍ -സി.പി. കൃഷ്ണദാസ്, ഗാനരചന-ഋഷി പ്രസാദ്, സംഗീതം-സോമസുന്ദരം, ആലാപനം-കെ.എസ്. ചിത്ര, സുജാത മോഹന്‍, പ്രൊഡക്ഷന്‍ കണ്‍ട്രോളര്‍-അരവിന്ദന്‍ കണ്ണൂര്‍, ആക്ഷന്‍-അഷ്‌റഫ് ഗുരുക്കള്‍.
തമിഴിലേക്കും മൊഴിമാറ്റുന്ന ചിത്രത്തിന്റെ നിര്‍ണ്ണായകഘട്ടത്തില്‍ തമിഴിലെ രണ്ട് പ്രശസ്ത താരങ്ങള്‍ അതിഥി വേഷങ്ങളിലെത്തുന്നു.
പ്രതികരിക്കാൻ ഇവിടെ എഴുതുക: