തിരുവനന്തപുരം: 2021-22 ലെ ദന്തല്‍ ബിരുദ ബിരുദാനന്തര പ്രവേശനത്തിനുള്ള ഓണ്‍ലൈന്‍ മോപ്-അപ് കൗണ്‍സിലിങ് അലോട്ട്‌മെന്റ് പ്രസിദ്ധീകരിച്ചു. അലോട്ട്‌മെന്റ് ഫലം www.cee.kerala.gov.in എന്ന വെബ്‌സൈറ്റില്‍ ലഭിക്കും. വെബ്‌സൈറ്റിലെ ‘PG Dental 2021Candidate Portal’ എന്ന ലിങ്കില്‍ ക്ലിക്ക് ചെയ്ത് ആപ്ലിക്കേഷന്‍ നമ്പര്‍, പാസ്‌വേഡ് എന്നിവ നല്കി ‘അലോട്ട്‌മെന്റ് റിസല്‍ട്ട്’ എന്ന ഐക്കണിലൂടെ ഫലം പരിശോധിക്കാവുന്നതും അലോട്ട്‌മെന്റ് മെമ്മോ ഡൗണ്‍ലോഡ് ചെയ്യാവുന്നതുമാണ്.
അലോട്ട്‌മെന്റ് ലഭിച്ച വിദ്യാര്‍ഥികള്‍ സര്‍ട്ടിഫിക്കറ്റുകളുടെ അസല്‍ പകര്‍പ്പുകള്‍ സഹിതം കോളജധികൃതര്‍ക്ക് മുമ്പാകെ ഹാജരായി ഫീസടച്ച് ഇന്നു വൈകിട്ട് നാല് വരെ പ്രവേശനം നേടണം. കോഴ്‌സ്, കോളജ് എന്നിവയില്‍ മാറ്റം അനുവദിക്കില്ല. കോളജ് തല അലോട്ടുമെന്റുകള്‍ 10നകം പൂര്‍ത്തീകരിക്കണം. വിശദവിവരങ്ങള്‍ പ്രവേശന പരീക്ഷാ കമ്മിഷണറുടെ വെബ്‌സൈറ്റില്‍.
പ്രതികരിക്കാൻ ഇവിടെ എഴുതുക: