ന്യൂദല്‍ഹി : കേരളം ഉള്‍പ്പെടെയുള്ള മൂന്ന് സംസ്ഥാനങ്ങളിലേക്കുള്ള രാജ്യസഭാ ഉപതെരഞ്ഞെടുപ്പ് തീയതികള്‍ പ്രഖ്യാപിച്ചു. ജോസ് കെ. മാണി രാജിവെച്ചൊഴിഞ്ഞ സീറ്റിലേക്കാണ് കേരളത്തില്‍ തെരഞ്ഞെടുപ്പ് നടത്തുന്നത്. നവംബര്‍ 29നാണ് തെരഞ്ഞെടുപ്പ്.
കേരളത്തിന് പുറമെ മഹാരാഷ്ട്ര, പശ്ചിമ ബംഗാള്‍ എന്നീ സംസ്ഥാനങ്ങളിലാണ് ഉപതെരഞ്ഞെടുപ്പ്. അര്‍പ്പിത ഘോഷിന്റെ രാജിയെ തുടര്‍ന്നാണ് ബംഗാളില്‍ തെരഞ്ഞെടുപ്പ് നടക്കുക.
ശരദ് നാംദിയോ റാണ്‍പൈസിന്റെ നിര്യാണത്തെ തുടര്‍ന്നാണ് മഹാരാഷ്‌ട്രയില്‍ തെരഞ്ഞെടുപ്പ്. നവംബര്‍ 16നാണ് നാമനിര്‍ദേശ പത്രിക സമര്‍പ്പിക്കാനുള്ള അവസാന തീയതി. നവംബര്‍ 29ന് തന്നെയാണ് ഫലപ്രഖ്യാപനം. എല്‍ഡിഎഫ് പ്രവേശനവും നിയമസഭാ തെരഞ്ഞെടുപ്പും മുന്നില്‍ കണ്ട് കഴിഞ്ഞ ജനുവരി 11നാണ് ജോസ് കെ. മാണി രാജിവെച്ചത്.
പ്രതികരിക്കാൻ ഇവിടെ എഴുതുക: