ദുബായ്: ട്വന്റി 20 ലോകകപ്പില്‍ കൈയ്യില്‍ കിട്ടിയ വിജയം കൈവിട്ട് അഫ്ഗാനിസ്ഥാന്‍. കൃത്യതോടെ പന്തെറിഞ്ഞ് പാക്കിസ്ഥാനെ പൂട്ടിയ അഫ്ഗാനികള്‍ക്ക് 19-ാം ഓവര്‍ ശകുനം മുടക്കി. ജയം തോല്‍വിയിലേക്കും
അഫ്ഗാനിസ്ഥാനെതിരെ പാകിസ്താന് 148 റണ്‍സ് ആയിരുന്നു വിജയലക്ഷ്യം. 8 റണ്‍സ് എടുത്ത ഓപ്പണര്‍ മുഹമ്മദാ റിസ്വാന്‍ തുടക്കത്തില്‍ പോയെങ്കിലും ബാബര്‍ അസാനും (51) ഫക്തര്‍ സമാനും (30) സ്‌ക്കോര്‍ മുന്നോട്ടു കൊണ്ടുപോയി. 10 റണ്‍സെടുത്ത മുഹമ്മദ് ഹഫീസും പുറത്തായെങ്കിലും ഷോയിബ് മാലിക് (19)തകര്‍ത്തടിച്ചത് പാക്കിസ്ഥാന് വിജയ പ്രതീക്ഷ നല്‍കി.എങ്കിലും കണിശമായ അഫ്ഗാന് ഏറിനു മുന്നില്‍ പാക്ക് താരങ്ങള്‍ റണ്‍ എടുക്കാന്‍ പ്രയാസപ്പെട്ടു. അവസാന രണ്ട് ഓവറില്‍ 24 റണ്‍സ് വേണ്ടിയിരുന്ന പാക്കിസ്ഥാന്റെ ആസിഫ് അലി 19-ാം ഓവറില്‍ നാല് സിക്‌സര്‍ അടിച്ച് വിജയം ഉറപ്പിച്ചു.
ടോസ് നേടിയ അഫ്ഗാനിസ്ഥാന്‍ ബാറ്റിങ് തെരഞ്ഞെടുക്കുകയായിരുന്നു. പാകിസ്താന് ബൗളിംഗിന് മുന്നില്‍ പതറിയ അഫ്ഗാനെ പിരിയാത്ത ഏഴാം വിക്കറ്റില്‍ മുഹമ്മദ് നബി – ഗുല്‍ബാദിന്‍ നായിബ് കൂട്ടുകെട്ടാണ് 147 ലേക്ക് എത്തിച്ചത്.
ആറു വിക്കറ്റ് നഷ്ടത്തില്‍ 76 റണ്‍സെന്ന നിലയില്‍ തകര്‍ന്ന അഫ്ഗാന് നബി – നായിബ് കൂട്ടുകെട്ടാണ് അഫ്ഗാന് പൊരുതാനുള്ള സ്‌കോര്‍ സമ്മാനിച്ചത്. പാക്കിസ്ഥാനായി ഇമാദ് വാസിം നാല് ഓവറില്‍ 25 റണ്‍സ് വഴങ്ങി രണ്ടു വിക്കറ്റ് വീഴ്‌ത്തി. ഷഹീന്‍ അഫ്രീദി, ഷതാബ് ഖാന്‍ എന്നിവര്‍ നാല് ഓവറില്‍ 22 റണ്‍സ് വിട്ടുകൊടുത്ത് ഓരോ വിക്കറ്റ് വീഴ്‌ത്തി.
പ്രതികരിക്കാൻ ഇവിടെ എഴുതുക: