പാലക്കാട്: പി.കെ ശശിയെ പുകഴ്‌ത്തിയുള്ള മുന്‍ മുസ്ലിം ലീഗ് മുൻ നേതാവും ഇപ്പോള്‍ സിപിഎമ്മിലേക്ക് കൂറുമാറുകയും ചെയ്ത ഷഹന കല്ലടിയുടെ പ്രസംഗം വൈറലായതോടെ വിവാദമാകുന്നു.
ലീഗിൽ നിന്ന് രാജിവച്ച് സിപിഐഎമ്മിൽ ചേർന്ന ഉടനെയാണ് ഷഹനയുടെ പരാമർശം.മണ്ണാർക്കാട്ടെ രാഷ്ട്രീയം തീരുമാനിക്കുന്നത് പി.കെ ശശിയാണെന്നാണ് ഷഹന കല്ലടി തുറന്നടിക്കുന്നത്. ഇത് മുസ്ലിം ലീഗിൽ ഇരുന്നുകൊണ്ടുതന്നെ താന്‍ പറഞ്ഞിട്ടുണ്ടെന്നും ഷഹന പറഞ്ഞു.
താനിരുന്ന പാർട്ടിയിലെ ഉന്നത നേതാക്കൾ പാണക്കാട് തങ്ങൾമാരാണ്. മണ്ണാർക്കാട്ടെ ലീഗിൽ തനിക്ക് തങ്ങൾമാരെ കാണാൻ കഴിഞ്ഞത് പി. കെ ശശിയിലാണ്. മണ്ണാർക്കാട്ടെ എല്ലാ രാഷ്‌ട്രീയ പാർട്ടികളും കാര്യങ്ങൾക്കായി ആശ്രയിക്കുന്നത് പി. കെ ശശിയെ ആണെന്നും ഷഹന പറയുന്നു.
പ്രതികരിക്കാൻ ഇവിടെ എഴുതുക: