കോഴിക്കോട്: ഹാഷിഷുമായി യുവതിയടക്കം നാല് പേര് പിടിയില്. കഴിഞ്ഞ ദിവസം രാത്രി കോഴിക്കോട് മലബാര് ഹോട്ടലിന് സമീപത്ത് ഇടപാട് നടത്തുന്നതിനിടെയാണ് ഇവര് പോലീസിന്റെ പിടിയിലായത്. 25 ഗ്രാം ഹാഷിഷ് ഇവരില് നിന്ന് കണ്ടെടുത്തു.
പിടിയിലായ സ്ത്രീ മലപ്പുറം സ്വദേശിയും പുരുഷന്മാര് കോഴിക്കോട്ടുകാരുമാണ്. കോഴിക്കോട്ട് ഇവര് പതിവായി ലഹരിക്കച്ചവടം നടത്തുന്നവരാണെന്ന് സംശയമുണ്ട്. പോലീസ് കൂടുതല് അന്വേഷണം തുടങ്ങി. ഇതിന് മുമ്പും കോഴിക്കോട്ട് സ്ത്രീകള് ഉള്പ്പെട്ട ലഹരി സംഘത്തെ പോലീസ് പിടികൂടിയിരുന്നു.
