കോഴിക്കോട്: കണ്ണൂര്‍ മട്ടന്നൂര്‍ മഹാദേവക്ഷേത്രത്തിന്റെ പൂട്ട് തല്ലിപ്പൊളിച്ച്, സിപിഎം നേതാക്കളും, പോലീസ് ഉദ്യോഗസ്ഥരും ചേര്‍ന്ന് ക്ഷേത്രം പിടിച്ചെടുത്ത നടപടി മലബാര്‍ കലാപകാല സ്മരണകളെ ഓര്‍മിപ്പിക്കുന്നതാണെന്ന് കേരളാക്ഷേത്രസംരക്ഷണ സമിതി.
ഹിന്ദുസമൂഹം മാതൃകാപരമായി, കാലങ്ങളായി നടത്തിവന്നിരുന്ന ക്ഷേത്രമായിരുന്നു ശ്രീമട്ടന്നൂര്‍ മഹാദേവക്ഷേത്രം. സാമ്പത്തികമായി മെച്ചപ്പെട്ട നിലയിലുള്ള ക്ഷേത്രങ്ങളെ സര്‍ക്കാര്‍ പിടിച്ചടക്കുകയാണ്. സിപിഎം ഉദ്ദേശിക്കുന്ന തരത്തില്‍ ക്ഷേത്രങ്ങളെയും, ക്ഷേത്ര ആചാരങ്ങളെയും അനുഷ്ഠാനങ്ങളെയും നശിപ്പിക്കാനുള്ള സമീപനമാണ് പിടിച്ചെടുക്കലിന് പിന്നില്‍. സാമ്പത്തികമായി പിന്നാക്കം നില്‍ക്കുന്ന ഒരുക്ഷേത്രവും സര്‍ക്കാര്‍ ഏറ്റെടുക്കുന്നില്ല. ഹിന്ദുസമൂഹം യാതനകള്‍ സഹിച്ച് പുനരുദ്ധരിച്ച ക്ഷേത്രങ്ങളെ ബലപ്രയോഗത്തിലൂടെ പിടിച്ചെടുക്കുന്ന നടപടികള്‍ സര്‍ക്കാര്‍ ഉപേക്ഷിക്കാത്തപക്ഷം ശക്തമായ ബഹുജന പ്രക്ഷോഭത്തിന് ക്ഷേത്രസംരക്ഷണ സമിതി നേതൃത്വം നല്‍കും.
പ്രതികരിക്കാൻ ഇവിടെ എഴുതുക: