തിരുവനന്തപുരം : ട്രയിന്‍ തട്ടിമരിച്ച യുവാവിന്റെ മൊബൈല്‍ തട്ടിയെടുത്ത എസ്‌ഐക്ക് സസ്‌പെന്‍ഷന്‍. തിരുവനന്തപുരം മംഗലപുരം മുന്‍ എസ് ഐയും ഇപ്പോള്‍ ചാത്തന്നൂര്‍ എസ് ഐയുമായ ജ്യോതി സുധാകറിനെയാണ് സര്‍വീസില്‍ നിന്നും സസ്‌പെന്‍ഡ് ചെയ്തത്.
മംഗലപുരം സ്വദേശിയായ അരുണ്‍ ജെറി ജൂണ്‍ 18 ന് ട്രെയിന്‍ തട്ടി മരിച്ചിരുന്നു. ഇപ്പോള്‍ ചാത്തന്നൂര്‍ എസ്‌ഐ ആയ ജ്യോതി സുധാകര്‍ മംഗലപുരം സ്റ്റേഷനില്‍ ജോലി ചെയ്യുമ്പോഴാണ് അപകടം. ഇയാളുടെ ഇന്‍ക്വസ്റ്റ് നടത്തുന്നതിനിടെ എസ്‌ഐ ഫോണ്‍ കൈക്കലാക്കുകയായിരുന്നു.
അപടകസ്ഥലത്ത് നിന്നും കണ്ടെത്തിയ അരുണിന്റെ സാധനങ്ങള്‍ക്കൊപ്പം മൊബൈല്‍ മാത്രം തിരികെ നല്‍കിയില്ല. തുടര്‍ന്ന് ഇദ്ദേഹത്തിന്റെ ഔദ്യോഗിക സിം കാര്‍ഡ് ഇട്ട് എസ്‌ഐ ഫോണ്‍ ഉപയോഗിക്കുകയായിരുന്നു. പിന്നീട് ജ്യോതി സുധാകര്‍ മംഗലപുരത്ത് നിന്ന് സ്ഥലംമാറി പോയി.
ഫോണ്‍ കാണാനില്ലെന്ന് അരുണിന്റെ ബന്ധുക്കള്‍ പരാതിപ്പെട്ടിരുന്നു. ഈ പരാതിയില്‍ നടത്തിയ അന്വേഷണത്തിലാണ് ഫോണ്‍ എസ്‌ഐ തന്നെയാണ് കൈക്കലാക്കിയതെന്ന് മനസ്സിലായത്. ഇതോടെയാണ് ജ്യോതി സുധാകറിനെ സര്‍വീസില്‍ നിന്ന് സസ്‌പെന്‍ഡ് ചെയ്യുകയായിരുന്നു.
പ്രതികരിക്കാൻ ഇവിടെ എഴുതുക: