തയ്‌വാന് നേരേയുള്ള ചൈനയുടെ അതിക്രമത്തെ വിമര്‍ശിച്ച് അമേരിക്ക; പ്രതിരോധ രംഗത്ത് തായ്‌വാനെ സഹായിക്കേണ്ട അവസ്ഥയെന്നും യുഎസ്

വാഷിംഗ്ടൺ: ലോകരാജ്യങ്ങൾ അംഗീകരിച്ചിരിക്കുന്ന ഒരു രാജ്യമായ തയ്‌വാനെതിരെ ചൈന നടത്തുന്ന അതിക്രമങ്ങളെ വിമര്‍ശിച്ച് അമേരിക്ക. ചൈനയുടെ അനിയന്ത്രിതമായ സമ്മർദ്ദങ്ങൾ പ്രതിരോധ രംഗത്ത് തായ്‌വാനെ സഹായിക്കേണ്ട അവസ്ഥയിലേക്കാണ് എത്തിച്ചിരി ക്കുന്നതെന്നും ജെൻ സാക്കി പറഞ്ഞു.

കഴിഞ്ഞ ദിവസം ചൈനയുടെ56 വിമാനങ്ങൾ തായ്‌വാന്റെ വ്യോമാതിർത്തി ലംഘിച്ചിരുന്നു.150 യുദ്ധവിമാനങ്ങൾ രണ്ടു മാസത്തിനിടെ തായ്‌വാന്റെ വ്യോമാതിർത്തിയിലേക്ക് കടക്കാൻ ശ്രമിച്ചിരുന്നു. ദക്ഷിണ ചൈനാ കടലില്‍ ചൈന നടത്തിയ നാവികസേനാ മുന്നേറ്റവും തായ്‌വാനെ ലക്ഷ്യമാക്കിയാണ്.  

സൈനിക നീക്കമാണ് ചൈന നടത്തുന്നതെന്നും തായ്‌വാൻ ലോകരാജ്യങ്ങൾ അംഗീകരിച്ചിരിക്കുന്ന ഒരു രാജ്യമാണെന്ന് ചൈന മറക്കരുതെന്നും അമേരിക്ക പറഞ്ഞു. വൈറ്റ് ഹൗസ് പ്രസ്സ് സെക്രട്ടറി ജെൻ സാക്കിയാണ് ഔദ്യോഗികമായ പ്രസ്താവനയിലൂടെ തായ്‌വാന് പിന്തുണ പ്രഖ്യാപിച്ചത്.

തായ്‌വാന് മേൽ ചൈന പ്രകോപനം വർദ്ധിക്കുന്ന സാഹചര്യത്തില്‍ അമേരിക്ക നടത്തിയ ഈ ശക്തമായ മുന്നറിയിപ്പിന് ഏറെ പ്രാധാന്യമുണ്ടെന്നാണ് പ്രതിരോധ വിദഗ്ധരുടെ അഭിപ്രായം. ‘തായ്‌വാന് മേലുള്ള ചൈനയുടെ തികച്ചും പ്രകോപനപരമായ നീക്കങ്ങളിൽ അമേരിക്ക ആശങ്കരേഖപ്പെടുത്തുകയാണ്. തായ്‌വാനെന്ന രാജ്യത്തിന്റെ അഖണ്ഡതയ്‌ക്കുമേലുള്ള കടന്നുകയറ്റമാണ് നടക്കുന്നത്.-.’ ജെൻസാക്കി പറഞ്ഞു.

നയതന്ത്ര തലത്തിൽ അമേരിക്കയുടെ ഉന്നത ഉദ്യോഗസ്ഥർ ബീജിംഗുമായി നേരിട്ട് സംസാരിക്കുന്നത് തുടരുകയാണ്. തായ് വാൻ തങ്ങളുടെ വ്യാപാര കണ്ണിയുടെ ഒരു ഭാഗമാണെന്നും ജെൻസാക്കി വ്യക്തമാക്കി.