മാഡ്രിഡ്: ലാ ലിഗയില്‍ ബാഴ്‌സലോണയ്‌ക്ക് വീണ്ടും തോല്‍വി. അത്‌ലറ്റികോയ്‌ക്ക് മുന്നില്‍ വീണത് എതിരില്ലാത്ത രണ്ട് ഗോളിന്. തോമസ് ലെമാറിന്റെയും ലൂയിസ് സുവാരസിന്റെയും ഗോളുകളാണ് അത്‌ലറ്റികോയെ വിജയത്തിലേക്കെത്തിച്ചത്.
ആദ്യ പകുതിയിലായിരുന്നു രണ്ട് ഗോളുകളും. ഇതോടെ ബാഴ്‌സ പരിശീലകന്‍ ഡൊണാള്‍ഡ് കൂമാന്റെ സ്ഥാനം തെറിക്കുമെന്ന വാര്‍ത്തകളും സജീവമായി. 23-ാം മിനിറ്റില്‍ തോമസ് ലെമാറാണ് അത്‌ലകോയ്‌ക്ക് ലീഡ് നല്‍കിയത്. 44-ാം മിനിറ്റില്‍ ലൂയി സുവാരസ് ഗോള്‍ നേടി. ചാമ്പ്യന്‍സ് ലീഗിലും തുടര്‍ തോല്‍വികളോടെ പുറത്താകലിന്റെ വക്കിലാണ് ബാഴ്‌സ. പോയിന്റ് പട്ടികയില്‍ 12 പോയിന്റോടെ ഒമ്പതാം സ്ഥാനത്താണ് ബാഴ്‌സ. 17 പോയിന്റുള്ള റയല്‍ മാഡ്രിഡാണ് ഒന്നാമത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: