തൃശൂർ : ജില്ലയിൽ മയിലുകളെ വേട്ടയാടി കൊലപ്പെടുത്തിയതിന്റെ പേരില്‍ പുരോഹിതൻ അറസ്റ്റിൽ. രാമവർമ്മപുരം വിയ്യാനിഭവൻ ഡയറക്ടർ കൂടിയായ ഫാ.ദേവസി പന്തല്ലൂക്കാരൻ (65) ആണ് പിടിയിലായത്.
ഇദ്ദേഹം വലവെച്ച് രണ്ട് മയിലുകളെ പിടിക്കുകയായിരുന്നു. പിടികൂടിയ മയിലുകളെ അടിച്ചു കൊന്ന ശേഷം മയിലിന്റെ ജഡം രഹസ്യമായി പുരോഹിതൻ സൂക്ഷിക്കുകയും ചെയ്തു. വന്യജീവി സംരക്ഷണ നിയമം 1972 പ്രകാരമാണ് കേസെടുത്തിരിക്കുന്നത്. മയിലിനെ കൊന്നാല്‍ ഏഴ് വര്‍ഷം വരെ തടവും രണ്ട് ലക്ഷം രൂപ വരെ പിഴയും ലഭിക്കാം.
മയിലുകള്‍ക്കെതിരെ അതിക്രമം തൃശൂര്‍ ജില്ലയില്‍ വ്യാപകമാണ്. ഈ സാഹചര്യത്തിൽ മയിലുകളെ കൊലപ്പെടുത്തുന്നതും സ്ഥിരം സംഭവമായിരിക്കുകയാണ്.
പ്രതികരിക്കാൻ ഇവിടെ എഴുതുക: