ആലപ്പുഴ: ബോളിവുഡ് നടി കരീന കപൂറിന്റെ പേരില്‍ രജിസ്റ്റര്‍ ചെയ്ത കാറും മോന്‍സണിന്റെ പക്കലുണ്ടെന്ന് കണ്ടെത്തി. പോര്‍ഷെ ബോക്സ്റ്റര്‍ എന്ന കാര്‍ ഒരു വര്‍ഷമായി ചേര്‍ത്തല പോലീസ് സ്റ്റേഷന്‍ വളപ്പിലാണുള്ളത്. ശ്രീവത്സം ഗ്രൂപ്പുമായുള്ള കേസിന്റെ ഭാഗമായാണ് പോലീസ് വാഹനം പിടിച്ചെടുത്തത്. കാറിന്റെ രേഖകള്‍ മോന്‍സണ്‍ ഹാജരാക്കിയിട്ടില്ലെന്ന് പോലീസ് പറഞ്ഞു.
20 ആഡംബര വാഹനങ്ങളാണ് ശ്രീവത്സം ഗ്രൂപ്പുമായുള്ള കേസില്‍ മോന്‍സണില്‍ നിന്ന് ചേര്‍ത്തല പോലീസ് പിടികൂടിയത്. കൂടാതെ, മോന്‍സണിന്റെ ഒരു കാരവനും ചേര്‍ത്തല പോലീസ് സ്റ്റേഷനിലുണ്ട്. വാഹനങ്ങളുടെ ടാക്സുമായി ബന്ധപ്പെട്ട രേഖകള്‍ ഇയാള്‍ ഹാജരാക്കിയിട്ടില്ലെന്നാണ് പോലീസ് പറയുന്നത്. കരീനയുടെ 2007 മോഡല്‍ കാറാണ് മോന്‍സന്‍ കൈവശം വച്ചിരുന്നത്. എംഎച്ച് 02 എവൈ 4593 എന്ന വാഹനമാണ് ഇയാളുടെ പക്കലുണ്ടായിരുന്നത്. ഇത് കരീന കപൂറിന്റെ പേരില്‍ മുംബൈ ബാന്ദ്ര വെസ്റ്റില്‍ രജിസ്റ്റര്‍ ചെയ്ത വാഹനമാണ്. എങ്ങനെയാണ് മോന്‍സണിന്റെ പക്കല്‍ ഈ വാഹനം എത്തിയതെന്ന് വ്യക്തമല്ല.
വാഹനങ്ങളുടെ രജിസ്ട്രേഷനിലും മോന്‍സണ്‍ വലിയ ക്രമക്കേടുകള്‍ നടത്തിയിരുന്നുവെന്ന് അന്വേഷണ സംഘം കണ്ടെത്തിയിരുന്നു. ഇയാളുടെ പക്കലുള്ള വാഹനങ്ങള്‍ വ്യാജ രജിസ്ട്രേഷനിലുള്ളതാണെന്നാണ് കണ്ടെത്തല്‍.
തോന്നക്കല്‍ ഉള്ള ഒരാള്‍ നമ്മളോട് സഹായം ചോദിച്ചിട്ടുണ്ട്. പുള്ളിയും കുടുംബവും കൊവിഡ് ബാധിതരാണ്. അത്യാവശ്യമായി കുറച്ച് ഫ്രൂട്ട്‌സ് എത്തിക്കാമോയെന്ന് ചോദിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: