കൊല്ലം: ജനം ടിവി കൊല്ലം ബ്യൂറോ ഓഫീസ് ആക്രമിക്കുകയും ക്യാമറാമാനെ മര്ദിക്കുകയും ചെയ്ത സംഭവത്തില് അഞ്ച് പ്രതികള് പോലീസ് പിടിയില്. കരുനാഗപ്പളളി ആദിനാട് നദാല, കല്പ്പന, മയ്യനാട് താന്നി എമി ഏബ്രഹാം, പെരിനാട് ഇടവട്ടം പൂജ, വടക്കേവിള അയത്തില് ദിയ എന്നിവരാണ് പോലീസ് പിടിയിലായത്.
ട്രാന്സ്ജന്റര്മാരായ പ്രതികളെ സംബന്ധിച്ച് വിവരങ്ങള് അന്വേഷിക്കുകയും ഫോട്ടോ എടുക്കുകയും ചെയ്തതാണ് ആക്രമണത്തിന് കാരണം. എടുത്ത ഫോട്ടോ ഡിലീറ്റ് ചെയ്യാന് ആവശ്യപ്പെട്ടത് നിരാകരിച്ചതിന്റെ വിരോധത്തിലാണ് ആക്രമണം നടത്തിയത്. ഇവര് സംഘം ചേര്ന്നാണ് ആക്രമിച്ചത്.
കൊല്ലം അസിസ്റ്റന്റ് പോലീസ് കമ്മീഷണര് ജി.ഡി. വിജയകുമാറിന്റെ നേതൃത്വത്തില് കൊല്ലം ഈസ്റ്റ് ഇന്സ്പെക്ടര് ആര്. രതീഷ്, സബ്ബ് ഇന്സ്പെക്ടര്മാരായ ആര്. രതീഷ് കുമാര്, രജീഷ്, ഹരിദാസ് സി.ആര്., യേശുദാസ്, പുഷ്പലത, എസ്സിപിഒ സിന്ധു, ദീപ്തി, സിപിഒ ശ്രീജിത്ത്, അന്ഷാദ്, ശുഭ എന്നിവരടങ്ങിയ സംഘമാണ് പ്രതികളെ പിടികൂടിയത്.
