ന്യൂദല്‍ഹി: ഭാരതത്തിലെ പ്രതിരോധ കുത്തിവയ്പ് യജ്ഞത്തിന്റെ ഭാഗമായി ഇതുവരെ 86.01 കോടി ഡോസ് വാക്‌സിന്‍ നല്‍കി. നിലവില്‍ രാജ്യത്ത് ഭാരതത്തില്‍ ചികിത്സയിലുള്ളത് 2,99,620 പേരാണ്. ഇത് ആകെ രോഗികളുടെ 0.89% മാത്രമാണ്. 191 ദിവസത്തില്‍ ഏറ്റവും കുറഞ്ഞ സംഖ്യയാണിത്.
ദേശീയ രോഗമുക്തി നിരക്ക് 97.78% ആണ്. 2020 മാര്‍ച്ച് മുതലുള്ള കണക്കുകള്‍ പ്രകാരം ഇത് ഏറ്റവും ഉയര്‍ന്ന നിരക്കാണ്. കഴിഞ്ഞ 24 മണിക്കൂറിനിടെ പുതുതായി രോഗം സ്ഥിരീകരിച്ചത് 26,041 പേര്‍ക്കാണ്. കഴിഞ്ഞ 24 മണിക്കൂറിനിടെ 29,621 പേര്‍ സുഖം പ്രാപിച്ചതോടെ രാജ്യത്തെ ആകെ രോഗമുക്തരുടെ എണ്ണം 3,29,31,972 ആയി.
പ്രതിവാര രോഗസ്ഥിരീകരണ നിരക്ക് 1.94% ആണ്. കഴിഞ്ഞ 94 ദിവസമായി 3 ശതമാനത്തില്‍ താഴെയാണ്. പ്രതിദിന രോഗസ്ഥിരീകരണ നിരക്ക് 2.24% ആണ്. കഴിഞ്ഞ 28 ദിവസമായി 3 ശതമാനത്തില്‍ താഴെയാണ്. ആകെ നടത്തിയത് 56.44 കോടി പരിശോധനകളാണ്.
പ്രതികരിക്കാൻ ഇവിടെ എഴുതുക: