തിരുവനന്തപുരം : കോട്ടയം നഗരസഭാ അധ്യക്ഷ തെരഞ്ഞെടുപ്പില്‍ ബിജെപിക്ക് സ്വതന്ത്ര നിലപാട് സ്വീകരിക്കുമെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. അധ്യക്ഷ തെരഞ്ഞെടുപ്പില്‍ എല്‍ഡിഎഫിനെയും യുഡിഎഫിനെയും ബിജെപി പിന്തുണയ്‌ക്കില്ല. മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ബിജെപി കൗണ്‍സിലര്‍മാരുടെ വാര്‍ഡുകളെ നിരന്തരം അവഗണിക്കുന്നതില്‍ പ്രതിഷേധിച്ചാണ് അവിശ്വാസത്തെ പിന്തുണയ്‌ക്കാന്‍ തീരുമാനിച്ചതെന്ന് അതിനുശേഷം ബിജെപി അറിയിച്ചിരുന്നു. എല്‍ഡിഎഫിനും യുഡിഎഫിനും വിരുദ്ധമായ രാഷ്‌ട്രീയ സമീപനമാണ് കേരളത്തില്‍ ബിജെപിക്ക് നിര്‍വ്വഹിക്കാനുള്ളതെന്നും അതിനപ്പുറത്തുള്ള ഒരു ചിന്തയും പാര്‍ട്ടിക്കില്ലെന്നും കെ. സുരേന്ദ്രന്‍ കൂട്ടിച്ചേര്‍ത്തു.
വെള്ളിയാഴ്ചയാണ് യുഡിഎഫ് ഭരണസമിതിക്കെതിരേ എല്‍ഡിഎഫ് അവിശ്വാസം കൊണ്ടുവന്നത്. എട്ട് അംഗങ്ങളുള്ള ബിജെപിയും പ്രമേയത്തെ പിന്തുണച്ചതോടെയാണ് യുഡിഎഫിന് ഭരണം നഷ്ടമായത്. എല്‍ഡിഎഫിനും യുഡിഎഫിനും 22 അംഗങ്ങള്‍ വീതമാണ് ഉളളത്. ബിജെപിക്ക് 8 അംഗങ്ങളുമുണ്ട്.
പ്രതികരിക്കാൻ ഇവിടെ എഴുതുക: