തിരുവനന്തപുരം: സൂര്യവംശി ഇന്റര്നാഷണലിന്റെ ഈ വര്ഷത്തെ അന്തര്ദേശീയ മാധ്യമ പുരസ്കാരം ജന്മഭൂമി ലേഖകന് ശിവാകൈലാസിന്. സൂര്യവംശി യൂറോപ്യന് യൂണിയന് ചീഫ് 1008 മഹാമണ്ഡലേശ്വര് ശ്രീശ്രീ ആചാര്യ ദേവേന്ദ്ര സൂര്യവംശിയാണ് അവാര്ഡ് പ്രഖ്യാപിച്ചത്.
ഒരു ലക്ഷം രൂപയുടെ മുദ്രമാലയും സാക്ഷ്യപത്രവും ശില്പ്പവും അടങ്ങുന്നതാണ് പുരസ്കാരം. നവംബര് രണ്ടാംവാരം ദല്ഹിയിലെ വൃന്ദാവനില് ചേരുന്ന ചടങ്ങില് സൂര്യവംശി അഖാഡ ഡെപ്യൂട്ടി ചീഫ് ജസ്മീര് സ്വാമി പുരസ്കാരം സമ്മാനിക്കുമെന്ന് ചീഫ് ജനറല് സെക്രട്ടറി ആനന്ദ് നായര് അറിയിച്ചു.
ദേവേന്ദ്ര സൂര്യവംശി ചെയര്മാനും, സൂര്യവംശി ഇന്റര്നാഷണല് കേരള ചീഫ് ജഗത്ഗുരു രാജേന്ദ്രാനന്ദ സൂര്യവംശി, സൂര്യാനന്ദ സരസ്വതി, കൃഷ്ണശങ്കര സരസ്വതി, ആനന്ദ് നായര് എന്നിവര് അംഗങ്ങളുമായ സമിതിയാണ് പുരസ്കാര ജേതാവിനെ തെരഞ്ഞെടുത്തത്. ആധ്യാത്മിക-ആചാര്യ ലോകത്തെക്കുറിച്ച് ജന്മഭൂമിയില് എഴുതിയ മികച്ച ലേഖനങ്ങളാണ് ശിവാകൈലാസിനെ അവര്ഡിന് അര്ഹനാക്കിയത്. മാധ്യമ രംഗത്ത് ശിവാകൈലാസിന് ലഭിക്കുന്ന അന്പതാമത്തെ പുരസ്കാരമാണിത്. ബിന്ദുവാണ് ഭാര്യ. മക്കള്: അഭിരാമി, അരുന്ധതി.
