തിരുവനന്തപുരം : യാഥാര്ത്ഥ്യം വെട്ടിത്തുറന്ന് പറഞ്ഞ പാലാ ബിഷപ്പിനെ വളഞ്ഞിട്ട് ആക്രമിക്കുന്ന കോണ്ഗ്രസ്സും സിപിഎമ്മും തീവ്രവാദത്തോട് സന്ധി ചെയ്യുകയാണെന്ന് ബിജെപി നേതാവ് കുമ്മനം രാജശേഖരന്. സഭാ വിശ്വാസികളുടെ ഉത്കണ്ഠയും വേദനയുമാണ് ബിഷപ്പ് പ്രകടിപ്പിച്ചത്. സഭയുടെ വികാരം മനസ്സിലാക്കി വിഷയം ചര്ച്ച ചെയ്യാനുള്ള സാമാന്യ മര്യാദ മുഖ്യമന്ത്രി കാട്ടണമായിരുന്നെന്നും തന്റെ ഫേസ്ബുക്ക് പോസ്റ്റിലൂടെയാണ് കുമ്മനം വിമര്ശിച്ചു.
ബിഷപ്പിനെ കുറ്റപ്പെടുത്താനും അദ്ദേഹം ഉന്നയിച്ച ആക്ഷേപങ്ങളോടും ആവലാതികളോടും മുഖ്യമന്ത്രി നിശബ്ദത പുലര്ത്തി. പ്രശ്നം ഉന്നയിച്ചവവരെ പ്രതിക്കൂട്ടിലാക്കി പകവീടുകയാണ് മുഖ്യമന്ത്രിയുടെ ലക്ഷ്യം. വി.എസ്. അച്യുതാനന്ദന് മുഖ്യമന്ത്രിയായിരിക്കേ ലൗ ജിഹാദിന്റെ അപകടമായ പ്രത്യാഘാതങ്ങള്ക്കെതിരെ മുന്നറിയിപ്പ് നല്കിയിട്ടുണ്ട്. 2020 ജനുവരി 14 ന് കൊച്ചിയില് ചേര്ന്ന സീറോ മലബാര് സഭാ സിനഡ് യോഗം ലൗ ജിഹാദ് മതസൗഹാര്ദ്ദത്തെയും സാമൂഹിക സമാധാനത്തെയും അപകടപ്പെടുത്തുന്ന രീതിയില് വളര്ന്നു വരുന്നതില് ആശങ്ക രേഖപ്പെടുത്തിയിരുന്നു.
ഐഎസിലേക്ക് റിക്രൂട്ട് ചെയ്യപ്പെട്ടവരില് പകുതിയും ക്രൈസ്തവരാണെന്നു തെളിവ് സഹിതം സഭാ സിനഡ് പാസ്സാക്കിയ പ്രമേയത്തില് വ്യക്തമാക്കുകയുണ്ടായി. മുന് മുഖ്യമന്ത്രി അച്യുതാനന്ദനും സീറോ മലബാര് സഭാ സിനഡും വര്ഷങ്ങള്ക്ക് മുമ്പ് പറഞ്ഞ അതേ കാര്യം പാലാ ബിഷപ്പ് ഇപ്പോള് പറഞ്ഞപ്പോള് അവ എങ്ങനെ വര്ഗ്ഗീയ പ്രശ്നമായെന്നി സിപിഎമ്മും കോണ്ഗ്രസ്സും വ്യക്തമാക്കണം.
ലൗ- നാര്ക്കോട്ടിക് ജിഹാദ് വിഷയത്തിലുള്ള ബിഷപ്പിന്റെ വെളിപ്പെടുത്തല് വര്ഗീയത വളര്ത്താന് ഇടയാക്കിയില്ല. പ്രണയം നടിച്ചും മയക്കു മരുന്ന് നല്കിയും നിര്ബന്ധിച്ചും പ്രലോഭിപ്പിച്ചും മതം മാറ്റുന്നത് മതസ്പര്ദ്ധ ഉണ്ടാക്കുന്ന സാമൂഹ്യവിപത്തും തിന്മയുമാണ്. സമൂഹത്തെ ദോഷകരമായി ബാധിക്കുന്ന ക്രമസമാധാന പ്രശ്നമാണിത്. മയക്കുമരുന്നിനെ മതവുമായി കൂട്ടിച്ചേര്ക്കേണ്ടതില്ലെന്ന് പ്രസ്താവിക്കുന്ന മുഖ്യമന്ത്രി തന്നെ മയക്കുമരുന്നിനെ മതവുമായി കൂട്ടിക്കെട്ടി പാലാ ബിഷപ്പിനെ ആഞ്ഞുപ്രഹരിക്കുകയാണ്. വസ്തുതകളെ തമസ്ക്കരിച്ചും ജനങ്ങളെ തെറ്റിദ്ധരിപ്പിച്ചും ലൗ ജിഹാദിനെയും മയക്കുമരുന്നു ജിഹാദിനെയും വെള്ളപൂശാനാണ് മുഖ്യമന്ത്രി ശ്രമിക്കുന്നതെന്നും കുമ്മനം കുറ്റപ്പെടുത്തി.
