കൊല്‍ക്കത്ത: ഡൂറന്റ് കപ്പില്‍ നിലവിലെ ചാമ്പ്യന്മാരായ ഗോകുലം കേരള എഫ്സിക്ക് ഇന്ന് ക്വാര്‍ട്ടര്‍ പോരാട്ടം. മുഹമ്മദന്‍സ് എഫ്സിയാണ് എതിരാളികള്‍. വൈകിട്ട് രണ്ടിന് കൊല്‍ക്കത്തയിലെ സാള്‍ട്ട്‌ലേക്ക് സ്റ്റേഡിയത്തിലാണ് മത്സരം. ഗ്രൂപ്പ് ഡി ചാമ്പ്യന്മാരായാണ് ഗോകുലം ക്വാര്‍ട്ടറില്‍ കടന്നത്. മുഹമ്മദന്‍സ് ഗ്രൂപ്പ് എ രണ്ടാം സ്ഥാനക്കാരും.
മുന്നേറ്റനിര താരം മാര്‍കസ് ജോസഫിന്റെ കരുത്തിലാണ് മുഹമ്മദന്‍സ് ഗോകുലത്തിനെ നേരിടാനെത്തുന്നത്. മുന്‍ ഗോകുലം താരമായിരുന്ന മാര്‍കസ് ജോസഫ് കഴിഞ്ഞ ഡൂറന്റ് കപ്പില്‍ ഗോകുലത്തിന് കിരീടം നേടിക്കൊടുക്കുന്നതില്‍ നിര്‍ണായക പങ്ക് വഹിച്ച താരമായിരുന്നു. മൂന്ന് മത്സരങ്ങളില്‍ രണ്ട് ജയവും ഒരു സമനിലയുമായി ഏഴ് പോയിന്റോടെയാണ് ഗോകുലം ഗ്രൂപ്പ് ചാമ്പ്യന്മാരായത്. ആര്‍മി റെഡിനും ഏഴ് പോയിന്റുണ്ടെങ്കിലും ഗോള്‍ വ്യത്യാസത്തിലാണ് ഗോകുലം ഒന്നാമതെത്തിയത്. കഴിഞ്ഞ മത്സരത്തില്‍ സസ്‌പെന്‍ഷനിലായിരുന്ന എമില്‍ ബെന്നി ക്വാര്‍ട്ടറില്‍ ഇറങ്ങിയേക്കും.
പ്രതികരിക്കാൻ ഇവിടെ എഴുതുക: