പ്രയാഗ് രാജ്: അയല്‍ രാജ്യത്ത് സ്വാതന്ത്ര്യം ഉറപ്പുവരുത്തുന്നതിന്റെ പേരില്‍ ഭീകരവാദത്തെ പ്രോത്സാഹിപ്പിക്കുന്നതില്‍ ആശങ്ക പ്രകടിപ്പിച്ച് കേരള ഗവര്‍ണര്‍ ആരിഫ് മുഹമ്മദ് ഖാന്‍. തോക്കുമായി നടക്കുന്നവര്‍ക്ക് സ്വാതന്ത്ര്യസമര സേനാനികളാകാന്‍ കഴിയില്ലെന്ന്, മോത്തിലാല്‍ നെഹ്‌റു മെഡിക്കല്‍ കോളേജിലെ പ്രീതം ദാസ് മേത്ത ഓഡിറ്റോറിയത്തില്‍ കൗണ്‍സിലിന്റെ ആഭിമുഖ്യത്തില്‍ ” രാഷ്‌ട്രീയവും ഭരണ നിര്‍വഹണവും’ ചര്‍ച്ചയില്‍ മുഖ്യാതിഥിയായി സംസാരിക്കവെയാണ് അദ്ദേഹം പറഞ്ഞു. നമ്മുടെ പൂര്‍വ്വികര്‍ ഒരു നീണ്ട പോരാട്ടത്തിന് ശേഷം രാജ്യത്തെ അടിമത്തത്തിന്റെ ചങ്ങലയില്‍ നിന്ന് മോചിപ്പിച്ചു, അതിനാല്‍ അവര്‍ ആഗസ്റ്റ് 15-16 ന് തോക്കുമായി നടക്കുന്നത് കണ്ടോ? ഇല്ല,! പക്ഷേ, അയല്‍ രാജ്യത്ത് സ്ത്രീകളെയും കുട്ടികളെയും അടിച്ചമര്‍ത്തുന്ന തോക്കുധാരികളെ സ്വാതന്ത്ര്യസമര സേനാനികള്‍ എന്ന് വിളിക്കുന്നു. ഏത് സംസ്‌കാരമാണ് അത്തരക്കാര്‍ പ്രോത്സാഹിപ്പിക്കുന്നത്? തോക്ക് സംസ്‌കാരം സ്വീകരിച്ചവര്‍ ഒരിക്കലും ഒരു നായകനാകില്ല. ഗവര്‍ണര്‍ പറഞ്ഞു.
നമ്മുടെ സ്ത്രീകള്‍ തോളോട് തോള്‍ ചേര്‍ന്ന് നടക്കുന്നു. പക്ഷേ, എവിടെയാണ് സ്ത്രീകളെ തോക്ക് ചൂണ്ടി വീടുകളില്‍ പൂട്ടിയിട്ടിരിക്കുന്നത്, അവിടെയുള്ള സാമൂഹിക അപകടം മനസ്സിലാക്കണം. മറ്റുള്ളവര്‍ ചെയ്യുന്നതിനെ നിയന്ത്രിക്കാന്‍ എനിക്ക് കഴിയില്ലെന്നും എന്നാല്‍ എനിക്ക് എന്നെത്തന്നെ നിയന്ത്രിക്കണമെന്നും അദ്ദേഹം പറഞ്ഞു. നൂറ്റാണ്ടുകളായി ലോകത്തിന് മാതൃകയായ ഇന്ത്യന്‍ സംസ്‌കാരത്തിന്റെ വൈവിധ്യത്തോടൊപ്പം ശാസ്ത്രത്തിന്റെ സമാനതകളില്ലാത്ത മൂലധനവും അദ്ദേഹം വിവരിച്ചു.
സ്ത്രീകളോടുള്ള അവഗണനയുടെ പ്രശ്‌നം സ്ത്രീകളുടെ പ്രശ്‌നമല്ലെന്ന് ഗവര്‍ണര്‍ പറഞ്ഞു. ഈ വിവേചന പ്രശ്‌നം പരിഹരിക്കേണ്ടതുണ്ട്. സമൂഹത്തില്‍ സ്ത്രീകള്‍ക്ക് തുല്യ പദവി നല്‍കാന്‍ ആളുകള്‍ തയ്യാറല്ല, അവര്‍ക്ക് അവസരങ്ങള്‍ നല്‍കുന്നില്ലെങ്കില്‍, അത് സമൂഹത്തിന്റെ തന്നെ പ്രശ്‌നമാണ്. സ്ത്രീകള്‍ക്ക് തുല്യ പദവി നല്‍കാന്‍ കഴിയുന്നില്ലെങ്കില്‍ നമ്മള്‍ പിന്നാക്കം നില്‍ക്കും. കൊറോണ അണുബാധയുടെ അപകടങ്ങളെക്കുറിച്ചും അദ്ദേഹം മുന്നറിയിപ്പ് നല്‍കി. നമ്മുടെ ആരോഗ്യത്തെക്കുറിച്ചും മറ്റുള്ളവരുടെ ആരോഗ്യത്തെക്കുറിച്ചും നമ്മള്‍ ചിന്തിക്കണംഎവിടെ രോഗം വന്നാലും അത് ലോകത്തിന് ഭീഷണിയായി മാറുമെന്ന് കൊറോണ കാലഘട്ടം തെളിയിച്ചു. ഗവര്‍ണര്‍ പറഞ്ഞു.
മുന്‍ പശ്ചിമ ബംഗാള്‍ ഗവര്‍ണര്‍ കേസരി നാഥ്് ത്രിപാഠി, മുന്‍ മിസോറാം ഗവര്‍ണര്‍ കുമ്മനം രാജശേഖരന്‍ മുന്‍ കേന്ദ്ര മന്ത്രി സഞ്ജയ് പാസ്വാന്‍,ബനാറസ് ഹിന്ദു യൂണിവേഴ്‌സിറ്റി മുന്‍ വൈസ് ചാന്‍സലര്‍ പ്രൊഫ. ഗിരീഷ് ചന്ദ്ര ത്രിപാഠി, പ്രമുഖ സാമ്പത്തിക ശാസ്ത്രജ്ഞന്‍ ഗോപാല്‍ കൃഷ്ണ അഗര്‍വാള്‍ തുടങ്ങിയവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: