തിരുവനന്തപുരം : മുഖ്യമന്ത്രി പിണറായി വിജയനും അദ്ദേഹത്തിന്റെ പാര്‍ട്ടിയും അറിഞ്ഞുകൊണ്ട് മുടിവെയ്‌ക്കാന്‍ ശ്രമിച്ച കാര്യങ്ങളാണ് പാലാ ബിഷപ്പ് പറഞ്ഞതെന്ന് രൂക്ഷ വിമര്‍ശനവുമായി ദീപിക. ബിഷപ്പിന്റെ പ്രസ്താവന ചിലര്‍ മതപരിവേഷം നല്‍കാന്‍ ശ്രമിച്ചു. സിപിഎം സര്‍ക്കുലറില്‍ പറഞ്ഞ കാര്യങ്ങള്‍ തന്നെയാണ് ബിഷപ്പ് പറഞ്ഞതെന്നും ലേഖനത്തില്‍ പറയുന്നുണ്ട്.
സിപിഎം ഇപ്പോള്‍ യാഥാര്‍ഥ്യങ്ങള്‍ ഉള്‍ക്കൊള്ളുന്നു. ഈ വിഷയങ്ങളില്‍ സര്‍ക്കാര്‍ അന്വേഷണം നടത്തണം. അസോസിയേറ്റ് എഡിറ്റര്‍ സി.കെ. കുര്യാച്ചന്‍ ആണ് ലേഖനം എഴുതിയിരിക്കുന്നത്.
ജനങ്ങള്‍ക്കിടയില്‍ ക്ലീന്‍ ഇമേജ് ഉണ്ടാക്കാനുള്ള ശ്രമമാണ് പ്രതിപക്ഷ നേതാവ് വി.ഡി. സതീശന്‍ നടത്തുന്നത്. ചങ്ങനാശ്ശേരിയില്‍ നിന്നു തന്നെ കാര്യങ്ങള്‍ മനസ്സിലായതു കൊണ്ടാണ് പാലായിലേക്ക് അദ്ദേഹം പോകാതിരുന്നത്. ഇമേജ് കാത്ത് സൂക്ഷിക്കാന്‍ കോട്ടയത്ത് ചില പൊടിക്കൈകള്‍ കാട്ടി.
ബിഷപ്പിനെ മറയാക്കി മുതലെടുപ്പിന് ശ്രമിക്കരുത്. താലിബാന്‍ വര്‍ഗ്ഗീയതയെ താലോലിക്കുന്നവരുടെ നാവും തൂലികയുമാവാന്‍ സമൂഹം നിന്നു കൊടുക്കരുതെന്നും ലേഖനത്തില്‍ പറയുന്നുണ്ട്.
പ്രതികരിക്കാൻ ഇവിടെ എഴുതുക: