ലണ്ടന്: മാഞ്ചസ്റ്റര് യുണൈറ്റഡിലേക്കുള്ള തിരിച്ചുവരവ് ഗംഭീരമാക്കി സൂപ്പര് സ്റ്റാര് ക്രിസ്റ്റിയാനോ റൊണാള്ഡോ. പ്രീമിയര് ലീഗില് ന്യൂകാസിലിനെതിരെ ഇരട്ട ഗോള് നേടി റോണോ യുണൈറ്റഡിന് വിജയം സമ്മാനിച്ചു. ആവേശപ്പോരാട്ടത്തില് ഒന്നിനെതിരെ നാല് ഗോളുകള്ക്കാണ് മാഞ്ചസ്റ്റര് യുണൈറ്റഡ് ന്യൂകാസിലിനെ പരാജയപ്പെടുത്തിയത്.
മാഞ്ചസ്റ്റര് യുണൈറ്റഡില് തിരിച്ചെത്തിയശേഷം ആദ്യ മത്സരത്തിനിറങ്ങിയ റോണോ ന്യൂകാസിലിനെതിരെ ആദ്യ പകുതിയുടെ ഇഞ്ചുറി ടൈമിലും 62-ാം മിനിറ്റിലും സ്കോര് ചെയ്താണ് ഡബിള് തികച്ചത്. 80-ാം മിനിറ്റില് ബ്രൂണോ ഫെര്ണാണ്ടസും ഇഞ്ചുറി ടൈമില് ലിന്ഗാര്ഡും ഗോള് നേടി. 56-ാം മിനിറ്റില് ജാവിയാണ് ന്യൂകാസിലിന്റെ ആശ്വാസ ഗോള് നേടിയത്.
