കണ്ണൂർ : ഇരിക്കൂറിൽ ദൃശ്യം മോഡല് കൊലപാതകം. സുഹൃത്ത് പിടിയില്. ഇരിക്കൂറിനടുത്ത് പെരുവളത്ത്പറമ്പില് താമസിച്ചിരുന്ന ബംഗാള് മൂര്ഷിദാബാദ് സ്വദേശി അഷിക്കുല് ഇസ്ലാം (25) ആണ് കൊല്ലപ്പെട്ടത്. സുഹൃത്ത് പരേഷ്നാഥ് മണ്ഡല് (26) ആണ് കൊല നടത്തിയത്.
പെരുവളത്ത്പറമ്പ് സിദ്ദിഖ് നഗറില് ഇവര് ജോലിചെയ്തിരുന്ന പി.വി. മുനീറിന്റെ കെട്ടിടസമുച്ചയത്തിലെ ശൗചാലയത്തില് ഒരുമീറ്ററോളം ആഴത്തില് മൃതദേഹം കുഴിച്ചിട്ട് അതിനുമുകളില് കോണ്ക്രീറ്റ് ചെയ്ത നിലയിലായിരുന്നുവെന്ന് പോലിസ് പറഞ്ഞു. സംഭവം നടന്ന് രണ്ടു മാസത്തിന് ശേഷമാണ് ഇരിക്കൂര് പോലീസ് മൃതദേഹാവശിഷ്ടം കണ്ടെത്തിയത്. തുടര്ന്ന് നടന്ന വിശദമായ അന്വേഷണത്തിലാണ് കേസിന് ചുരുള് നിവര്ന്നത്.
ജൂണ് 28നാണ് അഷിക്കുല് ഇസ്ലാമിനെ കാണാതായത്. അന്നുതന്നെ മറ്റു രണ്ടുപേരെയും കാണാതായിരുന്നു. ഇസ്ലാമിന്റെ സഹോദരന് മോമിന് ഇരിക്കൂര് പോലീസില് നല്കിയ പരാതിയിലാണ് അന്വേഷണം തുടങ്ങിയത്. മൂന്നുപേരെയും തിരയുന്നതിനിടെ പരേഷ്നാഥ് മുംബൈക്കടുത്തുണ്ടന്ന് വ്യക്തമായി. പോലീസ് അവിടെയെത്തി പരേഷ്നാഥിനെ അറസ്റ്റ് ചെയ്തു. കേസില് ഇവരുടെ കൂട്ടുകാരന് ഗണേഷിനെക്കൂടി പിടിക്കാനുണ്ട്.
