മള്ളിയൂർ: മള്ളിയൂർ വിനായക ചതുർത്ഥി മഹോത്സവത്തിന് ഭക്തിസാന്ദ്രമായ അന്തരീക്ഷത്തിൽ കൊടിയേറി. മനയത്താറ്റില്ലത്ത് ആര്യൻ നമ്പൂതിരിയുടെ മുഖ്യകാർമ്മികത്വത്തിലാണ് കൊടിയേറ്റ് നടന്നത്. കൊവിഡിന്റെ പശ്ചാത്തലത്തിൽ നിയന്ത്രണങ്ങളോടെയാണ് ചടങ്ങുകൾ നടക്കുന്നത്.
മള്ളിയൂർ പരമേശ്വരൻ നമ്പൂതിരി, മോൻസ് ജോസഫ് എംഎൽഎ, ബിജെപി ജില്ല പ്രസിഡന്റ് നോബിൾ മാത്യു, സംസ്ഥാന സമിതി അംഗം എൻ. ഹരി, എൻസിപി ജില്ല സെക്രട്ടറി രാജേഷ് നട്ടാശ്ശേരി, വൈക്കം ഡിവൈഎസ്പി ജെ.ജെ. തോമസ് എന്നിവർ പങ്കെടുത്തു. ഇന്ന് രാവിലെ 8ന് കാഴ്ചശ്രീബലി, 9ന് ഉത്സവബലി, വൈകിട്ട് 7ന് ഭക്തിഗാന തരംഗിണി, 8.30ന് വിളക്ക് എഴുന്നള്ളിപ്പ്.
