ന്യൂദല്‍ഹി: മുന്‍മന്ത്രി തിരുവഞ്ചൂര്‍ രാധാകൃഷ്ണന്റെ മകന്‍ അര്‍ജുന്‍ രാധാകൃഷ്ണനെ യൂത്ത് കോണ്‍ഗ്രസ് ദേശീയ വക്താവാക്കിയുള്ള തീരുമാനം റദ്ദ് ചെയ്തു. അര്‍ജുന്‍ ഉള്‍പ്പെടെ 5 മലയാളികള്‍ ഉള്‍പ്പെട്ട ലിസ്റ്റാണ് മരവിപ്പിച്ചിരിക്കുന്നത്. ആതിര രാജേന്ദ്രന്‍, നീതു ഉഷ, പ്രീതി, ഡെന്നി ജോസ് എന്നിവരാണ് കേരളത്തില്‍ നിന്നും വക്താക്കളായ.ി തെരഞ്ഞെടുക്കപ്പെട്ട മറ്റുനാലുപേര്‍.
72 പേരെയാണ് ദേശീയ വക്താക്കളായി യൂത്ത് കോണ്‍ഗ്രസ് ദേശീയ അധ്യക്ഷന്‍ ബിവി ശ്രീനിവാസ് കഴിഞ്ഞദിവസം നിയമിച്ചത്. എന്നാല്‍ സംസ്ഥാന നേതൃത്വത്തിലെ ചിലര്‍ അര്‍ജുനെ നീക്കണമെന്ന് ആവശ്യപ്പെട്ട് ദേശീയ നേതൃത്വത്തിന് പരാതി നല്‍കുകയായിരുന്നു. ഇതേ തുടര്‍ന്നാണ് റദ്ദാക്കല്‍ നടപടി.
ലിസ്റ്റ് മരവിപ്പിച്ചത് താല്‍ക്കാലികമാണെന്നും പരിശോധനകള്‍ക്ക് ശേഷം വീണ്ടും പുറത്തിറക്കുമെന്നാണ് വിശ്വാസമെന്നും അര്‍ജുന്‍ രാധാകൃഷ്ണന്‍ പ്രതികരിച്ചു. ആരുടെ എതിര്‍പ്പാണ് തനിക്ക് എതിരായതെന്ന് അറിയില്ല. തന്റെ പിതാവിന്റെ നിലപാടുകള്‍ പ്രതികൂലമായി എന്ന് കരുതുന്നില്ലെന്നും അര്‍ജുന്‍ പ്രതികരിച്ചു.
എ ഗ്രൂപ്പിലെ പ്രധാന മുഖമായിരുന്ന തിരുവഞ്ചൂര്‍ ഇപ്പോള്‍ ഔദ്യോഗിക പക്ഷത്തിനൊപ്പമാണ്. ഉമ്മന്‍ചാണ്ടിയുടെ വിശ്വസ്തനായിരുന്ന അദേഹം അപ്രതീക്ഷിതമായാണ് ഗ്രൂപ്പ് വിട്ടിറങ്ങിയത്.
പ്രതികരിക്കാൻ ഇവിടെ എഴുതുക: