പാലക്കാട്: ചരിത്രത്തെ വളച്ചൊടിക്കാന്‍ ശ്രമിച്ച സ്പീക്കര്‍ എംബി രാജേഷ് മാപ്പ് പറയണം എന്ന് ആവശ്യപ്പെട്ട് വസതിയിലേക്ക് യുവമോര്‍ച്ച മാര്‍ച്ച് സംഘടിപ്പിച്ചു. മലബാറില്‍ 1921ല്‍ നടന്ന മാപ്പിള കലാപവുമായി ബന്ധപ്പെട്ട് വാരിയന്‍കുന്നന്‍ ഹാജിയെ ഭഗത്സിംഗിനോട് ഉപമിച്ചു ചരിത്രത്തെ വളച്ചൊടിക്കാന്‍ ശ്രമിച്ച സ്പീക്കര്‍ എംബി രാജേഷ് പ്രസ്താവന പിന്‍വലിക്കണമെന്നും യുവമോര്‍ച്ച ആവശ്യപെട്ടു.
സംസ്ഥാന ഉപാധ്യക്ഷന്‍ ഇ.പി. നന്ദകുമാര്‍ മാര്‍ച്ച് ഉദ്ഘാടനം ചെയ്തു യുവമോര്‍ച്ച ജില്ല അധ്യക്ഷന്‍ പ്രശാന്ത് ശിവന്‍ അധ്യക്ഷത വഹിച്ചു. ബിജെപി പാലക്കാട് നിയോജകമണ്ഡലം സെക്രട്ടറി ബാബു വെണ്ണക്കര യുവമോര്‍ച്ച ജില്ലാ സെക്രട്ടറിമാരായ നവീന്‍ വടക്കന്തറ കെആര്‍ പ്രശാന്ത്, വിഷ്ണു ഗുപ്ത, രാജേഷ് കണ്ണാടി എം മനോജ്, ശരവണന്‍ തിരുനെല്ലായി, അനീഷ് തിരുന്നെല്ലായി എന്നിവര്‍ മാര്‍ച്ചിന് നേതൃത്വം നല്‍കി.
പ്രതികരിക്കാൻ ഇവിടെ എഴുതുക: