തിരൂര്‍ (മലപ്പുറം): പോക്സോ കേസില്‍ ജാമ്യത്തിലിറങ്ങിയ പ്രതി വീണ്ടും പോക്സോ കേസില്‍ അറസ്റ്റില്‍. മലപ്പുറം തിരൂരിലാണ് സംഭവം. വെട്ടം പറവണ്ണ ആലിന്‍ചുവട് അമ്പലപ്പറമ്പില്‍ നസീറുദ്ദീന്‍ (47) ആണ് അറസ്റ്റിലായത്.
ആറ് മാസം മുമ്പ് സമാനമായ മറ്റൊരു കേസില്‍ ഇയാള്‍ ശിക്ഷിക്കപ്പെട്ടിരുന്നു. പറവണ്ണ എന്ന സ്ഥലത്ത് വ്യാജസിദ്ധന്‍ ചമഞ്ഞ് ചികിത്സ നടത്തിയ ഇയാളുടെ അടുത്ത് ചികിത്സയ്‌ക്ക് എത്തിയ സ്ത്രീയുടെ മകളെ ലൈംഗിക അതിക്രമം നടത്തിയതിനായിരുന്നു മുമ്പ് ശിക്ഷിച്ചത്. ഈ കേസില്‍ ജ്യാമത്തിലിറങ്ങിയതിന് ശേഷമാണ് മറ്റൊരു കുട്ടിയെ പീഡിപ്പിച്ചത്. ഇയാള്‍ ആറോളം വിവാഹം കഴിച്ചതായും പോലീസ് പറയുന്നു. ഇന്‍സ്‌പെക്ടര്‍ എം.ജെ. ജിജോ, സീനിയര്‍ സിവില്‍ പോലീസ് ഓഫീസര്‍ ഹരീഷ്, സിവില്‍ പോലീസ് ഓഫീസര്‍മാരായ ഷറിന്‍ ജോണ്‍, അജിത് എന്നിവരുള്‍പ്പെട്ട സംഘമാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: