കോഴിക്കോട് : സിപിഎം നേതാവിനെ വധിക്കാന് മുസ്ലിം ലീഗ് നേതാക്കള് ക്വട്ടേഷന് നല്കിയതായി ആരോപണം. സിപിഎം താമരശ്ശേരി ഏരിയ കമ്മിറ്റി അംഗം കെ. ബാബുവിനെ വധിക്കാന് മുസ്ലിംലീഗ് ക്വട്ടേശന് നല്കിയെന്നാണ് ആരോപണം.
മുസ്ലിം ലീഗ് നേതാക്കളായ വി.കെ. അബുഹാജി, എം. നസീഫ്, കെ.കെ. ഖാദര് എന്നിവരുടെ നേതൃത്വത്തിലാണ് ക്വട്ടേഷന് നല്കിയത്. ഇതുസംബന്ധിച്ച് ബാബു കൊടുവള്ളി പോലീസില് പരാതി നല്കി. മുസ്ലിം ലീഗ് നേതാക്കളില് നിന്നും ക്വട്ടേഷന് കൈപ്പറ്റിയ കൊയിലാണ്ടി സ്വദേശി നബിലിന് എതിരേയും കേസെടുത്തിട്ടുണ്ട്. കുറ്റകരമായ ഗൂഢാലോചന, ഭീഷണി എന്നിങ്ങനെ ഐപിസി 506, 120-ബി എന്നീ വകുപ്പുകള് ചുമത്തിയാണ് കേസെടുത്തിട്ടുള്ളത്.
2013ല് യൂത്ത് ലീഗ് പ്രവര്ത്തകന് അബൂബക്കര് മരണപ്പെട്ടതുമായി ബന്ധപ്പെട്ട പ്രശ്നങ്ങളാണ് ക്വട്ടേഷന് പിന്നില്. ഇതുമായി ബന്ധപ്പെട്ടാണ് ക്വട്ടേഷന് നല്കിയത്. വിഷയത്തില് പരാതി ലഭിച്ചിട്ടുണ്ടെന്നും അന്വേഷണം നടക്കുകയാണെന്നും കൊടുവള്ളി സിഐ അറിയിച്ചു.
