ആലപ്പുഴ: കാഞ്ഞിരംചിറ കണ്ടയാശാന്‍ സ്‌കൂളിന് സമീപമുള്ള പുരാതനമായ മാരിയമ്മന്‍കോവിലില്‍ സാമൂഹ്യ വിരുദ്ധരുടെ ആക്രമണം. ക്ഷേത്രത്തിലെ കസേരകള്‍, ബഞ്ചുകള്‍ തുടങ്ങിയവ തകര്‍ക്കുകയും, പൂജാ പാത്രങ്ങള്‍ ഉള്‍പ്പടെയുള്ളവ സമീപത്തെ തോട്ടില്‍ കളയുകയും ചെയ്തു.
ഇന്നലെ ഉച്ചകഴിഞ്ഞു ക്ഷേത്രം തുറന്നപ്പോഴാണ് സംഭവം ശ്രദ്ധയില്‍പ്പെട്ടത്. കുറച്ചു കാലമായി ഈ പ്രദേശത്തു മയക്കുമരുന്ന് മാഫിയകളുടെ ആധിപത്യമാണ്. മയക്കുമരുന്ന് ഉപയോഗിക്കുന്നതിനായി ദുരപ്രദേശങ്ങളില്‍ നിന്ന് വരെ ഇവിടെയെത്തുന്നു. ധാരാളം ഒഴിഞ്ഞ പറമ്പുകളും കുറ്റിക്കാടുകളും പോരാത്തതിന് ബൈപ്പാസിന്റെ സാമീപ്യവും ഇവര്‍ക്ക് സഹായകമാകുന്നു.
പരാതിപ്പെടുവാന്‍ പോലും നാട്ടുകാര്‍ക്ക് ഭയമാണ്. ക്ഷേത്രത്തിന് നേരെയുണ്ടായ അക്രമവുമായി ബന്ധപ്പെട്ട് ഭാരവാഹികള്‍ നോര്‍ത്ത് പോലീസില്‍ പരാതി നല്‍കി.
പ്രതികരിക്കാൻ ഇവിടെ എഴുതുക: