കാബൂള്: അഫ്ഗാനിസ്ഥാനില് സര്വ്വാധിപത്യം സ്ഥാപിച്ച താലിബാനെ അഭിനന്ദിച്ച് ഇന്ത്യയിലെ ഓള് ഇന്ത്യ മുസ്ലിം വ്യക്തിഗത ലോ ബോര്ഡ്.
അഫ്ഗാനിസ്ഥാനില് വിജയം നേടിയ താലിബാനെ അഭിനന്ദിക്കുന്നുവെന്ന് ഓള് ഇന്ത്യ മുസ്ലിം വ്യക്തിഗത ലോ ബോര്ഡ് സെക്രട്ടറി മൗലാന ഉംറെയിന് മഹ്ഫൂസ് റഹ്മാനി പറഞ്ഞു. അതേ സമയം ഇന്ത്യയില് നിന്നുള്ള ഇസ്ലാമിക സംഘടന പരസ്യമായി താലിബാനെ പിന്തുണച്ചത് ഏറെ അമ്പരപ്പുണ്ടാക്കിയിട്ടുണ്ട്.
‘താലിബാന് അഫ്ഗാനിസ്ഥാനെ കീഴടക്കിയത് വിഭവങ്ങള്കൊണ്ടോ തന്ത്രങ്ങള്കൊണ്ടോ അല്ല, പകരം അചഞ്ചലമായ വിശ്വാസത്തിന്റെയും ആത്മധൈര്യത്തിന്റെയും സമ്പത്ത് കൊണ്ടാണ്,’ ഖുറാനില് നിന്നുുള്ള വരികള് ഉദ്ധരിച്ചുകൊണ്ട് മൗലാന ഉംറെയിന് മഹ്ഫൂസ് റഹ്മാനി പറഞ്ഞു.
താബിലാന്റെ അസാധാരണ വിജയത്താല് ലോകമാകെ അത്ഭുതപ്പെട്ടിരിക്കുകയാണ്. ഭൗതികതയില് വിശ്വസിക്കുന്ന ആളുകള്ക്ക് എങ്ങിനെ ഇത്രവേഗം താലിബാന് അധികാരത്തിലെത്തി എന്നത് മനസ്സിലാവില്ല. അധികാരതീരുമാനങ്ങള് സ്വര്ഗ്ഗത്തിലാണ് തീരുമാനിക്കപ്പെടുന്നത്, അല്ലാതെ ഭൂമിയിലല്ല,’ ‘ട്വിറ്ററില് പങ്കുവെച്ച കുറിപ്പില് അദ്ദേഹം പറഞ്ഞു.
യുദ്ധം ജയിക്കുന്നത് ദൈവത്തിന്റെ സഹായത്തോടെയാണ്. അല്ലാതെ ബുദ്ധിയും ശക്തിയും കൊണ്ടല്ലെന്നും അദ്ദേഹം പറയുന്നു.
