തിരുവനന്തപുരം: ഭാര്യയെ വെട്ടിക്കൊന്ന കേസിലെ പ്രതി തൂങ്ങി മരിച്ച നിലയില്‍.തിരുവനന്തപുരം പാറശാല സ്വദേശി ഷാജിയെയാണ് ഇന്ന് രാവിലെ ആത്മഹത്യ ചെയ്ത നിലയില്‍ നാട്ടുകാര്‍ കണ്ടെത്തിയത്. കേസില്‍ റിമാന്‍ഡിലായിരുന്ന ഇയാള്‍ അടുത്തിടെയാണ് ജാമ്യത്തില്‍ ഇറങ്ങിയത്. പോലീസ് മേല്‍ നടപടികള്‍ സ്വീകരിച്ചു.
ഇക്കഴിഞ്ഞ ഏപ്രില്‍ 15നായിരുന്നു ഷാജി ഭാര്യ മീനയെ വെട്ടിക്കൊന്നത്. സ്ഥിരം മദ്യപാനിയായ ഷാജി മദ്യം വാങ്ങാനായി ഭാര്യയോട് കാശു ചോദിച്ചു. എന്നാല്‍ അവര്‍ നല്‍കാന്‍ തയ്യാറായില്ല. ഇതില്‍ പ്രകോപിതനായാണ് അരുംകൊല നടത്തിയത്.
ഇവര്‍ക്ക് രണ്ട് ആണ്‍മക്കളാണ്. അവരിപ്പോള്‍ മീനയുടെ അമ്മയ്‌ക്കൊപ്പമാണ് താമസം.
പ്രതികരിക്കാൻ ഇവിടെ എഴുതുക: