തൃശൂർ : വാടാനപ്പള്ളി പഞ്ചായത്തിന് കീഴിലുള്ള തൃത്തല്ലൂര് രാമു കാര്യാട്ട് ലൈബ്രറി കെട്ടിടത്തിലെ അടച്ചിട്ട പൊതു ശൗചാലയത്തില്നിന്ന് 60 കുപ്പി വിദേശമദ്യം പിടികൂടി. വാടാനപ്പള്ളി എക്സൈസ് റേഞ്ച് ഇന്സ്പെക്ടര് പി. ജയപ്രസാദിന് ലഭിച്ച രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് വിദേശമദ്യം പിടികൂടിയത്.
സംഭവത്തിൽ തൃത്തല്ലൂര് പുള്ളുവളവ് സ്വദേശി എരണേഴത്ത് വീട്ടില് ഷൈജനെ (ഷാജി 55) വാടാനപ്പള്ളി എക്സൈസ് സംഘം അറസ്റ്റ് ചെയ്തു. ശൗചാലയത്തിന് സമീപത്തെ കെട്ടിടത്തില് സൈക്കിള് കട നടത്തുന്നയാളാണ് ഷൈജൻ. ഇയാൾ ബിവറേജില്നിന്ന് വാങ്ങിയ മദ്യം അവധി ദിനങ്ങളില് ഉയര്ന്ന വിലയ്ക്ക് വില്പന നടത്തിവരികയായിരുന്നു. ഷൈജനെ നേരത്തേ സമാന കേസുകളില് രണ്ടുതവണ അറസ്റ്റ് ചെയ്തിട്ടുണ്ട്.
പ്രിവന്റിവ് ഓഫിസര് പി.ബി. ദക്ഷിണമൂര്ത്തിയുടെ നേതൃത്വത്തില് നടത്തിയ പരിശോധനയിൽ ഗ്രേഡ് പ്രിവന്റിവ് ഓഫിസര്മാരായ ടി.ആര്. സുനില്, പി.എ. വിനോജ്, സിവില് എക്സൈസ് ഓഫിസര്മാരായ ജെയ്സണ് പി. ദേവസി, സി.ഡി. കലാദാസ്, വനിത സിവില് എക്സൈസ് ഓഫിസര്മാരായ കെ.എന്. നീതു, പി.എ. ബിജി, എക്സൈസ് െ്രെഡവര് രാജേഷ് എന്നിവരും പങ്കെടുത്തു.
