അമ്പലപ്പുഴ : വാര്‍ഡ് മെമ്പരെ കേസില്‍ നിന്ന് രക്ഷിക്കാന്‍ പട്ടികജാതി യുവതിക്ക് ലക്ഷങ്ങള്‍ വാഗ്ദാനം. സമ്മതിച്ചില്ലെങ്കില്‍ കള്ളക്കേസില്‍ കുടുക്കുമെന്ന് ഭീഷണി. അമ്പലപ്പുഴയിലെ സിപിഎം നേതാക്കളാണ് വാടകയ്‌ക്ക് താമസിക്കുന്ന യുവതിക്ക് പത്ത് ലക്ഷം രൂപയും വീടും വാഗ്ദാനം ചെയ്തത്. അമ്പലപ്പുഴ തെക്ക് പഞ്ചായത്തിലെ സിപിഎം നേതാവായ ഗ്രാമ പഞ്ചായത്തംഗമാണ് യുവതിയെ ജാതി പറഞ്ഞ് ആക്ഷേപിക്കുകയും കയ്യേറ്റം ചെയ്യാന്‍ ശ്രമിക്കുകയും ചെയ്തത്.
ഇതുമായി ബന്ധപ്പെട്ട് പോലീസില്‍ പരാതി നല്‍കിയെങ്കിലും അമ്പലപ്പുഴ പോലീസ് പ്രതിയെ രക്ഷിക്കാന്‍ ശ്രമിക്കുകയായിരുന്നു. പട്ടികജാതി സംഘടകള്‍ ഇടപെട്ടതോടെ പോലീസ് കേസ് രജിസ്റ്റര്‍ ചെയ്യുകയായിരുന്നു. എന്നാല്‍ കേസ് എടുത്തിട്ടും പ്രതിയെ പിടികൂടുവാന്‍ പോലീസ് തയാറാകാതിരുന്നതോടെ ബിജെപിയും,കോണ്‍ഗ്രസും പ്രതിഷേധവുമായി രംഗത്ത് എത്തി.
ഇതോടെ സ പിഎം നേതൃത്വം യുവതിയെ സമീപിക്കുകയും കേസ് ഇല്ലാതാക്കിയാല്‍ പത്തുലക്ഷം രൂപയും ലൈഫ് മിഷനില്‍ പെടുത്തി വീടും വാഗ്ദാനം ചെയ്യുകയായിരുന്നു.എന്നാല്‍ യുവതി കേസില്‍ ഉറച്ചു നില്‍ക്കും എന്ന് പാര്‍ട്ടി സഖാക്കളോട് പറഞ്ഞതോടെ നിന്നെ കേസില്‍ കുടുക്കി അകത്താക്കും എന്ന ഭീഷണിയുമായി തിരികെ പോകുകയായിരുന്നു .
പ്രതികരിക്കാൻ ഇവിടെ എഴുതുക: