തിരുവനന്തപുരം: തിരുവനന്തപുരത്ത് മദ്യപ സംഘം വനിതാ ഡോക്ടറെ ആശുപത്രിയില്‍ കയറി മര്‍ദിച്ച സംഭലത്തില്‍ പ്രതികരണവുമായി വിദ്യാഭ്യാസ മന്ത്രി വി ശിവന്‍കുട്ടി. ഡോക്ടര്‍ക്ക് നേരെയുണ്ടായ ആക്രമണം അതിശയകരം. ആരോഗ്യ പ്രവര്‍ത്തകര്‍ക്ക് നേരായ ആക്രമണം വെച്ചുപൊറുപ്പിക്കില്ലെന്നും അദേഹം പറഞ്ഞു. സര്‍ക്കാര്‍ സംഭവത്തെ ഗൗരവമായി പരിഗണിക്കും. ആരോഗ്യപ്രവര്‍ത്തകരുടെ സുരക്ഷാ വര്‍ദ്ധിപ്പിക്കാന്‍ നടപടി സ്വീകരിക്കുമെന്നും മന്ത്രി വ്യക്തമാക്കി.
ഇന്നലെ രാത്രി 12.30 ഓടെയാണ് സംഭവം. വരിയില്‍ നില്‍ക്കാന്‍ വിസമ്മതിച്ച പ്രതികള്‍ സുരക്ഷാ ഉദ്യോഗസ്ഥനെ മര്‍ദിക്കുകയായിരുന്നു. പിന്നാലെ വനിതാ ഡോക്ടറിനേയും മര്‍ദിച്ചു. മര്‍ദനമേറ്റ ഇരുവരും തിരുവനന്തപുരം ജനറല്‍ ആശുപ്ത്രിയില്‍ ചികിത്സയിലാണ്. സംഭവത്തില്‍ പ്രതികളില്‍ ഒരാള്‍ പിടിയിലായി. കരിമഠം സ്വദേശി റഷീദിനെയാണ് പോലീസ് അറസ്റ്റ് ചെയ്തത്. രണ്ടാം പ്രതിയ്‌ക്കായി പോലീസ് തെരച്ചില്‍ തുടരുകയാണ്.
സഹപ്രവര്‍ത്തകര്‍ക്ക് മര്‍ദനമേറ്റതില്‍ പ്രതിഷേധിച്ച് ആശുപത്രി ജീവനക്കാര്‍ പണിമുടക്കി. ഒ.പി ബഹിഷ്‌കരിച്ചാണ് സമരം. ക്രമണ വിവരം അറിയിച്ചിട്ടും പൊലീസ് സ്ഥലത്തെത്താന്‍ വൈകിയെന്നും ജീവനക്കാര്‍ ആരോപിക്കുന്നു.
പ്രതികരിക്കാൻ ഇവിടെ എഴുതുക: