ന്യൂദല്‍ഹി: ടോക്കിയോയില്‍ വെങ്കല നേട്ടം കരസ്ഥമാക്കിയ ഇന്ത്യന്‍ പുരുഷ ഹോക്കി ടീമിനെ പ്രശംസിച്ച് പ്രധാനമന്ത്രി നരേന്ദ്രമോദി. ഓരോ ഇന്ത്യ ക്കാരന്റെയും ഹൃദയത്തിലും മനസ്സിലും ഹോക്കിക്ക് ഒരു പ്രത്യേക സ്ഥാനമുണ്ട്. എല്ലാ ഹോക്കി പ്രേമികള്‍ക്കും കായിക പ്രേമികള്‍ക്കും, 2021 ഓഗസ്റ്റ് 5 ഏറ്റവും അവിസ്മരണീയമായ ഒരു ദിനമായിരിക്കുമെന്നും അദേഹം പറഞ്ഞു.
മലയാളിയായ ഗോള്‍കീപ്പര്‍ ശ്രീജേഷിനെ പേരെടുത്ത് പറഞ്ഞ് പ്രധാനമന്ത്രി പ്രശംസിച്ചു. ടൂര്‍ണമെന്റിലുടനീളം ശ്രീജേഷ് മിന്നുന്ന പ്രകടനമാണ് കാഴ്ചവെച്ചത്. ശ്രീജേഷിന്റെ സേവുകള്‍ ഇന്ത്യക്ക് മെഡല്‍ നേടുന്നതിന് വളരെ നിര്‍ണ്ണായക പങ്ക് വഹിച്ചു. തന്റെ അഭിനന്ദനങ്ങളും ആശംസകളും നേരുന്നതായും പ്രധാനമന്ത്രി കൂട്ടിച്ചേര്‍ത്തു.
ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറും ശ്രീജേഷിന്റെ പ്രകടനത്തെ പ്രശംസിച്ച് ട്വീറ്റ ചെയ്തു. നിര്‍ണായക ഘട്ടങ്ങളില്‍ ശ്രീജേഷ് നടത്തിയ പ്രകടനത്തെ അദേഹം പ്രത്യേകം ട്വീറ്റില്‍ പരാമര്‍ശിച്ചു.
ഇന്ത്യന്‍ വനിതകള്‍ നാളെ വെങ്കലത്തിനായുള്ള മത്സരത്തില്‍ ബ്രിട്ടണെ നേരിടും. ഇന്ത്യന്‍ സമയം രാവിലെ 7 മണിക്കാണ് മത്സരം.
പ്രതികരിക്കാൻ ഇവിടെ എഴുതുക: