ആലപ്പുഴ:എട്ട് മാസം ഗര്‍ഭിണിയായ യുവതിക്ക് സഹായവുമായി വീണ്ടും കണ്‍ട്രോള്‍ റൂമിലെ പോലീസ് എത്തി. കഴിഞ്ഞ ദിവസം വെളുപ്പിന് രണ്ട് മണിക്കാണ് കാഞ്ഞിരംചിറയിലുള്ള എട്ട് മാസം ഗര്‍ഭിണിയായ യുവതിക്ക് പെട്ടെന്ന് വേദനയുണ്ടായത്. ഉടന്‍ തന്നെ യുവതിയുടെ വീട്ടുകാര്‍ ആലപ്പുഴ കണ്‍ട്രോളില്‍ വിവരം അറിയിക്കുകയും പെട്ടെന്ന് തന്നെ സിആര്‍വി 3 സ്ഥലത്തെത്തി യുവതിയെ വനിതാ-ശിശു ആശുപത്രിയില്‍ എത്തിക്കുകയും ചെയ്തു. എന്നാല്‍ യുവതിയുടെ നില അതീവ ഗുരുതരമായതിനാല്‍ ഉടന്‍ തന്നെ ആംബുലന്‍സില്‍ വണ്ടാനത്ത് എത്തിച്ചു.
എത്തിയ ഉടന്‍ തന്നെ യുവതി ഇരട്ട കുട്ടികള്‍ക്ക് ജന്മം നല്‍കി. സിആര്‍വി 3 ഡ്യൂട്ടിയില്‍ ഉണ്ടായിരുന്ന എഎസ്ഐമാരായ ബന്‍സൈജര്‍, റിച്ചാര്‍ഡ്, സിപിഒ രഞ്ചു എന്നിവരാണ് യുവതിയെ ആശുപത്രിയിലെത്തിച്ചത്. പ്രസവവേദനയെ തുടര്‍ന്ന് കഴിഞ്ഞയാഴ്ച മണ്ണഞ്ചേരി സ്വദേശിനിയായ യുവതിയെ കടപ്പുറത്തെ ആശുപത്രിയിലെത്തിച്ചതും പോലീസുകാരായിരുന്നു. ആശുപത്രിയിലെത്തി നിമിഷങ്ങള്‍ക്കുള്ളില്‍ യുവതി പ്രസവിക്കുകയും ചെയ്തു.
പ്രതികരിക്കാൻ ഇവിടെ എഴുതുക: