തിരുവനന്തപുരം: നാദിര്ഷാ സംവിധാനം ചെയ്യുന്ന പുതിയ ചിത്രങ്ങളായ ഈശോ, കേശു ഈ വീടിന്റെ നാഥന് എന്നിവയുടെ പേരുകള് ക്രൈസ്തവ വിശ്വാസത്തെ അവഹേളിക്കുന്നതാണെന്ന പ്രചാരണത്തിന് മറുപടിയുമായി സംവിധായകന്. കേശു ഈ വീടിന്റെ നാഥന് ‘ ഈശോ ‘ എന്നീ സിനിമകള് ഇറങ്ങിയ ശേഷം ആ സിനിമയില് ഏതെങ്കിലും തരത്തില് മത വികാരം വ്രണപ്പെടുന്നുവെങ്കില് നിങ്ങള് പറയുന്ന ഏതു ശിക്ഷക്കും ഞാന് തയ്യാറാണ് . അതുവരെ ദയവ് ചെയ്ത് ക്ഷമിക്കാനും നാദിര്ഷാ ഫേസ്ബുക്ക് പോസ്റ്റില് വ്യക്തമാക്കി.
പോസ്റ്റിന്റെ പൂര്ണരൂപം-
ഈശോ ‘ സിനിമയുടെ 2nd motion poster ബുധനാഴ്ച്ച (04-08-2021)വൈകിട്ട് 6.00 മണിക്ക്
എന്റെ പ്രിയ സഹോദരന്മാരുടെ ശ്രദ്ധയ്ക്ക് . ഞാന് ഏറെ ബഹുമാനിക്കുന്ന ദൈവപുത്രനായ
ജീസസുമായി ഈ സിനിമക്ക് യാതൊരു ബന്ധവുമില്ല . ഇത് കേവലം ഒരു കഥാപാത്രത്തിന്റെ പേര് മാത്രം (ഈ സിനിമക്ക് എതിരെ പ്രവര്ത്തിക്കുന്നവര് അറിയാന് വേണ്ടി മാത്രം ) അതുകൊണ്ട് ക്രിസ്ത്യന് സമുദായത്തിലെ എന്റെ പ്രിയപ്പെട്ട സഹോദരങ്ങള്ക്ക് വിഷമമുണ്ടായതിന്റെ പേരില് മാത്രം not from the bible എന്ന ടാഗ്line മാത്രം
മാറ്റും . അല്ലാതെ തല്ക്കാലം ‘ഈശോ ‘ എന്ന ടൈറ്റിലും, ‘കേശു ഈ വീടിന്റെ നാഥന് ‘ എന്ന ടൈറ്റിലും മാറ്റാന് ഞങ്ങള് ഉദ്ദേശിക്കുന്നില്ല . എല്ലാ മത വിഭാഗത്തിലും പെട്ട ഒരുപാട് സുഹൃത്തുക്കള് ഉള്ള , എല്ലാ മത വിഭാഗങ്ങളെയും ഒരേ പോലെ ആദരിക്കാന് മനസ്സുള്ള ഒരു കലാകാരന് എന്ന നിലക്ക് , ആരുടേയും മനസ്സ് വേദനിപ്പിക്കാനും , വ്രണപ്പെടുത്താനും തക്ക സംസ്കാര ശൂന്യനല്ല ഞാന് . ‘കേശു ഈ വീടിന്റെ നാഥന് ‘ ഈശോ ‘ എന്നീ സിനിമകള് ഇറങ്ങിയ ശേഷം ആ സിനിമയില് ഏതെങ്കിലും തരത്തില് മത വികാരം വ്രണപ്പെടുന്നുവെങ്കില് നിങ്ങള് പറയുന്ന ഏതു ശിക്ഷക്കും ഞാന് തയ്യാറാണ് . അതുവരെ ദയവ് ചെയ്ത് ക്ഷമിക്കുക .
