പത്തനംതിട്ട: ശബരിമല ശ്രീധര്‍മ്മ ശാസ്താ ക്ഷേത്രത്തിലെ നിറപുത്തരിപൂജാ ചടങ്ങുകള്‍ ആഗസ്റ്റ് 16ന് നടക്കും. ഇതിനായി ക്ഷേത്രനട 15 ന് വൈകുന്നേരം 5 മണിക്ക് തുറക്കും. ഇത്തവണയും നിറപുത്തരി പൂജയ്‌ക്കായി ക്ഷേത്ര ശ്രീകോവിലിന് ഉള്ളിലേക്ക് എടുക്കുന്ന നെല്‍കതിരുകള്‍ ശബരിമലയിലെ കരനെല്‍ കൃഷിയില്‍ വിളഞ്ഞവയാണ്.
കോവിഡ് വ്യാപന പശ്ചാത്തലം കണക്കിലെടുത്ത് നിറപുത്തരി ചടങ്ങിലേക്കായി ഭക്തര്‍ പുറത്ത് നിന്ന് നെല്‍കതിരുകള്‍ കൊണ്ടുവരുവാന്‍ അനുവദിക്കില്ലെന്ന് ദേവസ്വം ബോര്‍ഡ് അറിയിച്ചു. കോവിഡ് നിയന്ത്രണങ്ങള്‍ കണക്കിലെടുത്ത് കഴിഞ്ഞ നിറപുത്തരി പൂജയ്‌ക്ക് ശബരിമലയില്‍ കൃഷിചെയ്ത നെല്‍കതിരുകളാണ് ഉപയോഗിച്ചത്.
ആഗസ്റ്റ് 16ന് പുലര്‍ച്ചെ 5.55 നും 6.20നും ഇടയിലുള്ള മുഹൂര്‍ത്തത്തില്‍ തന്ത്രി കണ്ഠരര് രാജീവരുടെ മുഖ്യകാര്‍മ്മികത്വത്തില്‍ നിറപുത്തരിപൂജാ ചടങ്ങുകള്‍ നടക്കും.
പ്രതികരിക്കാൻ ഇവിടെ എഴുതുക: