മുംബൈ: നീലച്ചിത്ര നിര്‍മാണക്കേസില്‍ 14 ദിവസത്തെ ജൂഡീഷ്യല്‍ കസ്റ്റഡിയില്‍ കഴിയുന്ന വ്യവസായി രാജ് കുന്ദ്രയ്‌ക്കെതിരെ ലൈംഗിക ആരോപണമുന്നയിച്ച് മോഡലും നടിയുമായ ഷെര്‍ലിന്‍ ചോപ്ര. എതിര്‍ത്തിട്ടും തന്നെ ചുംബിച്ചുവെന്ന് 2019-ല്‍ നടന്ന സംഭവത്തെക്കുറിച്ച് നടി പറയുന്നു. നീലിച്ചിത്ര നിര്‍മാണവും വിതരണവുമായി ബന്ധപ്പെട്ട് ഇപ്പോള്‍ നടക്കുന്ന കേസില്‍ മുംബൈ ക്രൈം ബ്രാഞ്ചിന്റെ പ്രോപ്പര്‍ട്ടി സെല്‍ 37-കാരിയായ നടിയെ വിളിപ്പിച്ചുവെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തു. ഏപ്രിലില്‍ ചോപ്ര കുന്ദ്രയ്‌ക്കെതിരെ പരാതി നല്‍കിയിരുന്നു. താന്‍ താമസിക്കുന്നയിടത്ത് മുന്‍കൂട്ടി അറിയിക്കാതെ കുന്ദ്രയെത്തിയെന്ന് അവരുടെ പരാതിയില്‍ പറയുന്നു.
ബിസിനസ് സംബന്ധിച്ച് ഇരുവരും തമ്മില്‍ നടന്ന കൂടിക്കാഴ്ചയിലെ ചൂടേറിയ വാദപ്രതിവാദങ്ങള്‍ക്കു ശേഷമായിരുന്നു സന്ദര്‍ശനം. ഭാര്യ ശില്‍പ്പ ഷെട്ടിയുമായുള്ള തന്റെ ബന്ധം സങ്കീര്‍ണമെന്ന് കുന്ദ്ര ഷെര്‍ലിന്‍ ചോപ്രയോട് പറഞ്ഞു. ബിസിനസുമായി വ്യക്തിപരമായ കാര്യങ്ങള്‍ കൂട്ടിക്കുഴയ്‌ക്കാന്‍ ആഗ്രഹിക്കുന്നില്ലെന്ന് ചോപ്ര കുന്ദ്രയെ അറിയിച്ചു. തുടര്‍ന്നാണ് കുന്ദ്ര ചുംബിക്കാന്‍ ആരംഭിച്ചത്. എതിര്‍ത്തിട്ടും പിന്‍മാറിയില്ല. തുടര്‍ന്ന് കുന്ദ്രയെ തള്ളിമാറ്റി ശുചിമുറിയിലേക്ക് ഓടിയെന്നും ഭയന്ന് കരഞ്ഞുവെന്നും ഷെര്‍ലിന്‍ ചോപ്രയുടെ പരാതിയിലുണ്ട്.
ഇന്നലെ രണ്ടു നടികളുടെ പരാതിയില്‍ ക്രൈം ബ്രാഞ്ച് പുതിയ എഫ്‌ഐആറുകള്‍ രജിസ്റ്റര്‍ ചെയ്തു. നീലച്ചിത്രങ്ങളുടെ ചിത്രീകരണത്തിന് നടി ഗെഹന വസിഷ്ഠ് ഭീഷണിപ്പെടുത്തിയെന്ന് പരാതിയില്‍ ആരോപിക്കുന്നു. റോമ ഖാന്റെയും തന്‍വീര്‍ ഹാഷ്മിയുടെയും പേരുകള്‍ പരാതിയിലുണ്ട്. കുന്ദ്രയുടെയോ, സഹായികളുടോയോ ആപ്പുകള്‍വഴി ഈ വീഡിയോകള്‍ പിന്നീട് വിറ്റുവെന്നും പരാതിയില്‍ വ്യക്തമാക്കുന്നു. ജൂലൈ 19ന് ആണ് കുന്ദ്രയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: