ടോക്കിയോ: അവസാന ഗ്രൂപ്പ് മത്സരത്തില് ജയിച്ചിട്ടും ഇന്ത്യയുടെ സ്വാതിക് സൈരാജ് – ചിരാഗ് ഷെട്ടി സഖ്യം ഒളിമ്പിക്സ് ബാഡ്മിന്റണ് ഡബിള്സിന്റെ ക്വാര്ട്ടര് ഫൈനല് കാണാതെ പുറത്തായി.
ലോക പത്താം നമ്പറായ ഇന്ത്യ ടീം ഗ്രൂപ്പ് എ യിലെ അവസാന മത്സരത്തില് ബ്രിട്ടന്റൈ ലോക പതിനെട്ടാം നമ്പറായ ബെന് ലെയ്ന്- സീന് വെന്ഡി ടീമിനെ നേരിട്ടുളള സെറ്റുകള്ക്കാണ് തോല്പ്പിച്ചത്. സ്കോര്: 21-17, 21-19. മത്സരം നാല്പ്പത്തിനാല് മിനിറ്റ് നീട്ടു.
അവസാന മത്സരത്തില് ജയിച്ചെങ്കിലും ഇന്ത്യന് ടീം ഗ്രൂപ്പില് മൂന്നാം സ്ഥാനത്തേക്ക് പിന്തള്ളപ്പെട്ടു. ആദ്യ രണ്ട് സ്ഥാനക്കാര്ക്കാണ് ക്വാര്ട്ടറില് പ്രവേശനം ലഭിക്കുക. ഒന്നാം സ്ഥാനക്കാരായി ഇന്തോനേഷ്യയുടെ മാര്കസ് – കെവിന് സഖ്യവും രണ്ടാം സ്ഥാനക്കാരായി ചൈനീസ് തായ്പേയിയുടെ യാങ് ലീ – ചിന് ലി സഖ്യമുമാണ് ക്വാര്ട്ടറില് കടന്നത്.
ഇന്ത്യ, ചൈനീസ് തായ്പേയി, ഇന്തോനേഷ്യ ടീമുകള് രണ്ട് വിജയങ്ങള് വീതം നേടി പോയിന്റ് നിലയില് ഒപ്പത്തിനൊപ്പം നിന്നു. തുടര്ന്ന് കൂടുതല് ഗെയിമുകള് നേടിയ ചൈനീസ് തായ്പേയി ടീമും ഇന്തോനേഷ്യന് ടീമും ഇന്ത്യയെ മറികടന്ന് ക്വാര്ട്ടറില് പ്രവേശിച്ചു.
