മട്ടാഞ്ചേരി: മഴ കനത്തതോടെ പശ്ചിമ കൊച്ചിയില്‍ മലമ്പാമ്പുകളെ കണ്ടെത്തി. കഴിഞ്ഞ ദിവസങ്ങള്‍ക്കിടയില്‍ പശ്ചിമകൊച്ചിയില്‍ നാല് മലമ്പാമ്പുകളെയാണ് പിടികൂടിയത്. രണ്ടെണ്ണം മട്ടാഞ്ചേരിയിലും ഫോര്‍ട്ടുകൊച്ചി തോപ്പുംപടി ദേശങ്ങളില്‍ ഒന്നു വീതവുമാണ് കണ്ടെത്തിയത്.
ആറ് മുതല്‍ ഏട്ട് അടി വരെ നീളമുളളവയാണിവ. പിടികൂടിയ പാമ്പുകളെ വനംവകുപ്പിന് കൈമാറും. മട്ടാഞ്ചേരിയില്‍ രണ്ടിടത്തു നിന്നായി രണ്ട് മലമ്പാമ്പുകളെ പിടികൂടി. പനയപള്ളിയില്‍ സോണി. കെ.സാമുവലിന്റെ വീട്ട് വളപ്പില്‍ നിന്നും ജൂ ടൗണ്‍ ഇപ്‌സ്ത കെട്ടിടം എന്നിവിടങ്ങളില്‍ നിന്നുമാണ് മലമ്പാമ്പിനെ പിടികൂടിയത്.
മട്ടാഞ്ചേരി ജൂ ടൗണിലെ ഇന്ത്യാ സ്‌പൈസസ് ആന്‍ഡ് ട്രേ്ഡ് അസോസിയേഷന്‍ കെട്ടിടത്തിന്റെ രണ്ടാം നിലയിലെ ഷെയ്ഡില്‍ കയറിയ മലമ്പാമ്പിനെ മട്ടാഞ്ചേരി അഗ്‌നി സുരക്ഷാ സേനാംഗങ്ങളാണ് പിടികൂടിയത്.
പ്രതികരിക്കാൻ ഇവിടെ എഴുതുക: