ടോക്കിയോ: ഒളിമ്പിക്‌സില്‍ അരങ്ങേറിയ ഇന്ത്യ നീന്തല്‍ താരങ്ങളായ ശ്രീഹരി നടരാജനും മാന പട്ടേലിനും സെമിഫൈനലിന് യോഗ്യത നേടാനായില്ല. ഹീറ്റ്‌സില്‍ ഇരുവര്‍ക്കും ഇവരുടെ മികച്ച സമയത്തിനടുത്തുപോലും എത്താനായില്ല.
പുരുഷന്മാരുടെ 100 മീറ്റര്‍ ബാക്ക്‌സ്‌ട്രോക്കിന്റെ ഹീറ്റ്‌സ് 54.31 സെക്കന്‍ഡില്‍ പൂര്‍ത്തിയാക്കിയ ശ്രീഹരി ആറാം സ്ഥാനത്താണ് ഫിനിഷ് ചെയ്തത്. ഇരുപതുകാരനായ ശ്രീഹരി ഇറ്റലിയില്‍ നടന്ന കോളി ട്രോഫിയില്‍ മികച്ച വ്യക്തിഗത സമയം (53.77 സെക്കന്‍ഡ്) കുറിച്ചാണ് ഒളിമ്പിക്‌സിന് യോഗ്യത നേടിയത്. നാല്‍പ്പത് പേര്‍ മത്സരിച്ച ഈ ഇനത്തില്‍ ശ്രീഹരി 27-ാം സ്ഥാനത്തേക്ക് പിന്തള്ളപ്പെട്ടു. വനിതകളുടെ നൂറ് മീറ്റര്‍ ബാക്ക്‌സ്‌ട്രോക്കില്‍ മാന പട്ടേല്‍ ഹീറ്റ്‌സില്‍ ഒരു മിനിറ്റ് 02.73 സെക്കന്‍ഡിലാണ് ഫിനിഷ് ചെയ്തത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: